'ఆచార్య' అప్డేట్‌ ఆ రోజున వచ్చేనా?

మెగాస్టార్‌ చిరంజీవి.. కొరటాల శివల కాంబోలో రూపొందిన షూటింగ్ దాదాపుగా పూర్తి అయ్యింది. రెండు పాటలు మినహా షూటింగ్‌ అంతా పూర్తి అయ్యింది అంటూ ఇటీవలే అధికారికంగా ప్రకటించారు. అయితే సినిమా చిత్రీకరణ పూర్తి అయినప్పటి నుండి విడుదల ఎప్పుడు అంటూ ప్రశ్నిస్తారు అనే ఉద్దేశ్యంతో షూటింగ్‌ పూర్తి అవ్వలేదు అంటూ చెబుతున్నారేమో అంటూ కొందరు అనుమానాలు వ్యక్తం చేస్తున్నారు. ఈ ఏడాది మే లో విడుదల చేయాల్సి ఉండగా కరోనా సెంకడ్ వేవ్‌ కారణంగా వాయిదా పడింది. సరే థియేటర్లు మళ్లీ పునః ప్రారంభం అయ్యాయి కదా ఈ ఏడాది చివరి వరకు విడుదల చేయవచ్చు కదా అని మెగా అభిమానులు కోరుకుంటూ ఉంటే.. యూనిట్‌ సభ్యులు మాత్రం అదుగో ఇదుగో అన్నట్లుగా వాయిదా వేస్తున్నారు.

ఈనెలలో మెగాస్టార్‌ చిరంజీవి బర్త్‌ డే ఉంది. ఆ సందర్బంగా ఆచార్య విడుదల తేదీని ప్రకటిస్తారని మెగా అభిమానులు ఆశతో ఉన్నారు. అక్టోబర్ లో ఆర్‌ ఆర్‌ ఆర్‌ విడుదల లేకుంటే ఆ సమయంలో దసరా సందర్బంగా ఆచార్య సినిమా వచ్చి ఉండేది. కాని ఆర్ ఆర్‌ ఆర్‌ విడుదల విషయంలో స్పష్టత రావడం లేదు. విడుదల లేదు అంటూ కొందరు అంటున్నా కొందరు మాత్రం షూటింగ్‌ పూర్తి అయ్యింది కనుక ఆర్‌ ఆర్‌ ఆర్‌ దసరాకు వస్తుందనే నమ్మకంను వ్యక్తం చేస్తున్నారు. ప్రస్తుతం నిర్మాణానంతర కార్యక్రమాలు జరుపుకుంటున్న ఆర్ ఆర్‌ ఆర్‌ సినిమా ఆలస్యం అయితే మాత్రం ఆ టైమ్‌ కు విడుదల చేయడం ఖాయం గా కనిపిస్తుంది.

చిరంజీవి ఆచార్య సినిమా చిత్రీకరణ పూర్తి అయ్యింది కనుక వచ్చే ఏడాది వరకు వాయిదా వేయడం కరెక్ట్‌ కాదని కొందరు అంటున్నారు. మొత్తానికి చిరంజీవి బర్త్‌ డే సందర్బంగా ఏమైనా ఆచార్య విడుదల తేదీపై స్పష్టత వస్తుందేమో చూడాలి. చిరంజీవి బర్త్‌ డే కు లూసీఫర్‌ సినిమా ఫస్ట్‌ లుక్‌ తో పాటు వేదాళం రీమేక్ కు సంబంధించిన అప్ డేట్‌ ను కూడా ఇవ్వబోతున్నారు. మొత్తానికి మెగా ఫ్యాన్స్ కు వరుసగా అప్ డేట్లు రాబోతున్నాయి. కాని ఆచార్య విడుదల తేదీకి సంబంధించిన విషయం క్లారిటీ వస్తుందా అనేది మాత్రం క్లారిటీ రావడం లేదు.