యువ‌హీరోకి బ‌న్ని ప్ర‌చారం క‌లిసొచ్చేనా?

జీఏ2 బ్యాన‌ర్ ప‌రిశ్ర‌మ‌లో ట్యాలెంటెడ్ యువ‌హీరోల్ని ప్రోత్స‌హిస్తూ మీడియం బ‌డ్జెట్ సినిమాలు తీస్తున్న సంగ‌తి తెలిసిందే. ఇంత‌కుముందు నాగ‌చైత‌న్య‌-దేవ‌ర‌కొండ లాంటి హీరోల‌తో సినిమాలు తెర‌కెక్కించింది. 100 ప‌ర్సంట్ ల‌వ్.. టాక్సీవాలా.. గీత గోవిందం ఈ కోవ‌లోనివే. ఇప్పుడు కార్తికేయ‌- అఖిల్ లాంటి హీరోల‌తోనూ సినిమాలు చేస్తోంది.

ఇక ఈ సినిమాల‌కు స్టార్ హీరో అల్లు అర్జున్ ప్ర‌చారం పెద్ద‌గానే క‌లిసొస్తుంద‌న‌డంలో సందేహ‌మేం లేదు. కార్తికేయ క‌థానాయ‌కుడిగా జీఏ 2 సంస్థ తెర‌కెక్కిస్తున్న `చావు క‌బురు చ‌ల్ల‌గా` త్వ‌ర‌లో రిలీజ్ కి రానుంది. ఇప్ప‌టికే ఈ మూవీ ప్ర‌మోష‌న్ పీక్స్ కి చేరుకున్నాయి. మార్చి 9న అల్లుఅర్జున్ ముఖ్య అతిథిగా ప్రీరిలీజ్ ఈవెంట్ జ‌ర‌గ‌నుంది.

ఎలానూ సొంత బ్యాన‌ర్ సినిమాకి ప్ర‌మోష‌న్ కాబ‌ట్టి బ‌న్ని స్కిప్ కొట్ట‌కుండా అటెండ‌వుతారు. కావాల్సిన ప్ర‌చారం తెస్తారు. ఇక అన‌సూయ‌- కార్తికేయ జంటపై `పైన ప‌టారం..` సాంగ్ ఇంత‌కుముందు రిలీజై అంత‌ర్జాలాన్ని షేక్ చేసింది. ఈ పాట రిలీజైన నిమిషాల్లోనూ వేలాది వ్యూస్ సాధిస్తూ దూసుకెళ్లింది. దానికి కార‌ణం అన‌సూయ ఎర్ర‌కోక‌లో వెర్రెత్తించే స్టెప్పుల‌తో అద‌ర‌గొట్టేయ‌డ‌మేన‌ని చ‌ర్చ సాగుతోంది. ఇప్పుడు ప్రీరిలీజ్ వేదిక‌పై బ‌న్ని- అన‌సూయ కూడా ఆ పాట‌కు స్టెప్పు వేస్తారంటూ ప్ర‌చారం సాగ‌డం చూస్తుంటే.. ఈ మూవీ కి ఏ రేంజులో హైప్ తేనున్నారో అర్థ‌మ‌వుతోంది.

యంగ్ హీరో కార్తికేయ‌కు బ‌న్ని రాక పెద్ద‌గానే క‌లిసొస్తుంద‌న‌డంలో సందేహ‌మేం లేదు. అలాగే ఈ వేదిక‌పై బ‌న్ని పుష్ప లుక్ రివీల‌వుతుంద‌ని అభిమానులు అంచ‌నా వేస్తున్నారు. ఈ ఆరురోజులు ఆగితే స‌స్పెన్స్ కి తెర దించేసే టైమొచ్చిన‌ట్టే.