ఆ గ్యాప్ లో త్రివిక్రమ్ చిన్న సినిమా చేస్తారా..?

సినీ ఇండస్ట్రీలో ఎంత కంఫర్ట్ అనిపించినా కూడా మళ్ళీ మళ్ళీ అవే కాంబినేషన్స్ ఏ దర్శకుడూ రిపీట్ చేయరు. కానీ త్రివిక్రమ్ రూటే వేరు.. ఆయనకు కంఫర్ట్ అన్పిస్తే.. ఎన్ని సినిమాలైనా చేస్తారు. బయటి వాళ్ల మాటలు మాత్రం అసలే పట్టించుకోడు. తనకు కంఫర్ట్ అనిపిస్తే పనిచేసిన వాళ్ళతోనే మళ్ళీ మళ్ళీ చేయడానికి చూస్తుంటాడు. కెరీర్ మొదట్లోనే మహేష్ బాబుతో రెండు సినిమాలు చేసేసాడు త్రివిక్రమ్. తర్వాత పవన్ కళ్యాణ్ తో మూడు సినిమాలు చేసాడు. రీసెంట్ గా అల వైకుంఠపురములో చిత్రంతో కలుపుకుంటే అల్లు అర్జున్ తో కూడా మూడు సినిమాలు చేసాడు. ఇప్పుడు ఎన్టీఆర్ తో రెండోసారి చేయడానికి సిద్ధమయ్యాడు.

ఎన్టీఆర్ - త్రివిక్రమ్ కాంబినేషన్ లో తెరకెక్కబోయే ఈ సినిమా షూటింగ్ మే నుండి ప్రారంభం కానుందని తెలిపారు. వచ్చే ఏడాది ఏప్రిల్ లో ఈ సినిమాను విడుదల చేయాలని భావిస్తున్నారట. హారిక అండ్ హాసిని క్రియేషన్స్ తో పాటు ఎన్టీఆర్ ఆర్ట్స్ పతాకంపై నందమూరి కళ్యాణ్ రామ్ ఈ చిత్రాన్ని నిర్మించనున్నాడు. ఎన్టీఆర్ ప్రస్తుతం ఆర్ఆర్ఆర్ సినిమాలో నటిస్తోన్న విషయం తెల్సిందే. రాజమౌళి దర్శకత్వం వహిస్తున్న ఈ సినిమాలో ఆయన కొమరమ్ భీమ్ గా డిఫరెంట్ లుక్ తో కనిపించనున్నాడు. ఆ తరువాత ఆయన త్రివిక్రమ్ దర్శకత్వంలో ఫ్యామిలీ ఎంటర్టైనర్ చేయనున్నాడు. అయితే ప్రస్తుత కరోనా పరిస్థితుల కారణంగా షూటింగ్స్ అన్నీ నిలిచిపోయాయి.

ఇక లాక్ డౌన్ అనంతరం ఎన్టీఆర్ ఆర్ఆర్ఆర్ షూటింగ్ లో పాల్గొనాలి. అంతేగాక ఎన్టీఆర్ లాక్ డౌన్ తర్వాత కూడా ఆర్ఆర్ఆర్ కోసం చాలా డేట్స్ కేటాయించాల్సి వస్తుందట. అయితే ఎన్టీఆర్ తో సినిమా ప్రారంభం లేట్ అవుతుందేమో అని త్రివిక్రమ్ ఈ గ్యాప్ లో చిన్న సినిమా చేయాలనీ భావిస్తున్నారట. ఇక ఆ చిన్న సినిమా కోసం ఓ మంచి రొమాంటిక్ లవ్ స్టోరీని కూడా సిద్ధం చేస్తున్నట్లు సమాచారం. ఈ సినిమా కోసం ఇప్పటికే నాని నాగచైతన్య లాంటి యంగ్ హీరోలతో టచ్ లో ఉంటున్నట్టు తెలుస్తుంది. చూడాలి మరి ఏదైనా అధికారిక ప్రకటన త్వరలో వెల్లడిస్తారెమో..!