జ‌క్క‌న్న ఫాద‌ర్.. సుక్కు - రౌడీ స్టార్ కు షాకిస్తున్నాడా?

జ‌క్క‌న్న ఫాద‌ర్, స్టార్ రైట‌ర్ విజ‌యేంద్ర ప్ర‌సాద్ స్టార్ డైరెక్ట‌ర్ సుకుమార్ కు, రౌడీ స్టార్ విజ‌య్ దేవ‌ర‌కొండ‌కు షాకివ్వ‌బోతున్నాడా? అంటే ఇండ‌స్ట్రీ వ‌ర్గాల్లో అవుననే స‌మాధానం వినిపిస్తోంది. వివ‌రాల్లోకి వెళితే.. ఐకాన్ స్టాన్ అల్లు అర్జున్ హీరోగా స్టార్ డైరెక్ట‌ర్ సుకుమార్ తెర‌కెక్కించిన భారీ యాక్ష‌న్ ఎంట‌ర్ టైన‌ర్ 'పుష్ప : ది రైజ్‌'. గ‌త ఏడాది భారీ అంచ‌నాల మ‌ధ్య డిసెంబ‌ర్ లో విడుద‌లైన ఈ మూవీ ప్ర‌పంచ వ్యాప్తంగా ఐదు భాష‌ల్లో సంచ‌ల‌న విజ‌యాన్ని సొంతం చేసుకుంది.

ఈ మూవీ త‌రువాత సుకుమార్ 'పుష్ప 2'ని ప్రారంభించ‌నున్న విష‌యం తెలిసిందే. దీని అనంతరం రౌడీ స్టార్ విజ‌య్ దేవ‌ర‌కొండ హీరోగా ఓ భారీ పీరియాడిక్ ఫిల్మ్ ని తెర‌పైకి తీసుకురావాల‌ని ప్లాన్ చేశారు. ఫాల్క‌న్ క్రియేష‌న్స్ బ్యాన‌ర్ పై అల్లు అర్జున్ మిత్రుడు కేదార్ సెల‌గంశెట్టి ఈ మూవీతో నిర్మాత‌గా ప‌రిచ‌యం కావాల‌నుకున్నాడు. ఈ ప్రాజెక్ట్ ప్ర‌క‌టించి దాదాపు రెండేళ్ల‌వుతోంది.

సుకుమార్ 'పుష్ప' సిరీస్ ల‌తో బిజీగా వుండ‌టంతో ఈ ప్రాజెక్ట్ డిలే అవుతూ వ‌స్తోంది. ఇంత‌కీ ఈ ప్రాజెక్ట్ వుంటుందా? వుండ‌దా అని ప్ర‌చారం జ‌రిగిన ప్ర‌తీసారి మేక‌ర్స్ ఈ ప్రాజెక్ట్ ఖ‌చ్చితంగా వుంటుంద‌ని క్లారిటీ ఇస్తున్నారు.

కానీ ఈ ప్రాజెక్ట్ ప‌ట్టాలెక్కాలంటే మ‌రో ఏడాది ప‌ట్టేలా వుంద‌ని తెలుస్తోంది. సుకుమార్ 'పుష్ప 2'ని పూర్తి చేయాలి.. అది రిలీజ్ కావాలి.. ఆ త‌రువాత రెండు మూడు నెల‌ల పాటు విశ్రాంతి తీసుకోవాలి.. ఆ త‌రువాతే ఈ ప్రాజెక్ట్ గురించి ఆలోచిస్తారు.

అంటే ఇదంతా జ‌ర‌గ‌డానికి ఏడాదిన్న‌ర ప‌ట్టొచ్చు. ఇదిలా వుంట స్టార్ రైట‌ర్ విజ‌యేంద్ర ప్ర‌సాద్ .. సుకుమార్, విజ‌య్ దేవ‌ర‌కొండ కు షాకివ్వ‌బోతున్నార‌నే వార్త‌లు వినిపిస్తున్నాయి. సుకుమార్, విజ‌య్ దేవ‌ర‌కొండ క‌లిసి చేయాల‌నుకున్న క‌థ తెలంగాణ లో జ‌రిగిన సాయుధ పోరాటం నేప‌థ్యంలో సాగుతుంద‌ని చెప్పారు. ర‌జ‌కార్ ల కాలం నాటి క‌థ‌తో ఈ మూవీని అత్యంత భారీ స్థాయిలో తెర‌పైకి తీసుకురావాల‌నుకున్నారు.

ఇప్ప‌డు అదే క‌థ‌తో విజ‌యేంద్ర ప్ర‌సాద్ 'ర‌జాకార్ డైరీస్‌' అనే వెబ్ సిరీస్ ని ప్లాన్ చేస్తున్నార‌ట‌. ఇప్ప‌టికే ఇందుకు సంబంధించిన ప్ర‌య‌త్నాలు మొద‌లు పెట్టార‌ని, త్వ‌ర‌లోనే అథికారిక ప్ర‌క‌ట‌న రాపుంద‌ని తెలుస్తోంది. ఇదే జ‌రిగితే ఇదే త‌ర‌హా క‌థ‌తో సుకుమార్, విజ‌య్ దేవ‌ర‌కొండ చేయాల‌నుకున్న ప్రాజెక్ట్ కు గ‌ట్టి ఎదురుదెబ్బ‌త‌గ‌ల‌డం ఖాయం అనే కామెంట్ లు వినిపిస్తున్నాయి.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.