గోవా బీచ్ లో యూత్ స్టార్ కే చెక్ పెట్టేసిన బ్యూటీ

వెట‌ర‌న్ డైరెక్ట‌ర్ చంద్ర‌శేఖ‌ర్ ఏలేటి ఓ సినిమా తీస్తున్నారంటే అందులో గ‌మ్మ‌త్త‌యిన ఎలిమెంట్ ఉంటుంద‌నేది ఇండ‌స్ట్రీ వ‌ర్గాలు ఆడియెన్ లో న‌మ్మ‌కం. దానిని నిల‌బెడుతూ యూత్ స్టార్ నితిన్ తో అత‌డు `చెక్` అనే ఇంట్రెస్టింగ్ యాక్ష‌న్ చిత్రాన్ని తెర‌కెక్కిస్తున్నారు.

మరణశిక్ష ప‌డిన‌ ఖైదీ జైల్లో ఎలాంటి గేమ్ ప్లే చేశాడు? విల‌న్ల‌కు ఎలా చెక్ పెట్టాడు? అన్న ఇతివృత్తాన్ని ఎంతో గ్రిప్పింగ్ గా మైండ్ ప్లేతో తెర‌పై ఆవిష్క‌రిస్తున్నారు ఏలేటి. ఇటీవ‌ల రిలీజైన ట్రైల‌ర్ విమ‌ర్శ‌కుల ప్ర‌శంస‌లు పొందింది. స‌గ‌టు ఆడియెన్ ని ఈ ట్రైల‌ర్ ఆక‌ట్టుకుంది.

ఫిబ్రవరి 26న థియేట‌ర్ల‌లోకి వ‌స్తోంది ఈ చిత్రం. ఈ చిత్రాన్ని భవ్య ఆనంద్ ప్రసాద్ నిర్మించారు. ఇంతకుముందు నితిన్ స్వయంగా వెల్లడించినట్లుగా.. చెక్ లో ఒక‌ పాట మాత్రమే ఉంటుంది. ఈ పాట‌ను గోవాలోని సుందరమైన ప్రదేశాలలో చిత్రీకరించారు‌. సాంగ్ లో నితిన్ వింక్ బ్యూటీ ప్రియా ప్రకాష్ వారియర్ తో రొమాన్స్ చేశారు.

క్రేజీగా యువ జంట మధ్య కెమిస్ట్రీ వ‌ర్క‌వుటైంద‌ని ప్రూవ్ చేసే ఓ ఫోటో తాజాగా లీకైంది. చిట్టి పొట్టి నిక్క‌రులో ప్రియా ప్ర‌కాష్ అందాల ట్రీట్ ఓ లెవ‌ల్లో ఉంటుంద‌ని ఆ ఫోటో చెబుతోంది.అన్న‌ట్టు నాలుగైదు పాట‌లైనా లేనిదే నితిన్ మాస్ ఫ్యాన్స్ ఊర‌ట చెంద‌డం క‌ష్టం. కానీ కాన్సెప్ట్ బేస్డ్ సినిమా చేస్తున్నాడు కాబ‌ట్టి ఈసారికి కుదించేశారు. నితిన్ చెక్ ఏమేర‌కు విజ‌యం సాధించ‌నుంది? అన్న‌ది వేచి చూడాలి.