ఈనెల 24న ‘విన్నర్’ ఫిక్స్

ఈనెలలోనే రావడానికి మెగా హీరో సాయిధరమ్ తేజ్ ఫిక్స్ అయ్యాడు. త‌నకు జ‌న్మ‌నిచ్చిన తండ్రిని.. మ‌న‌సిచ్చిన అమ్మాయిని గెలవ‌డం కోసం ఓ యువ‌కుడు చేసిన పోరాట‌మే `విన్న‌ర్` మూవీ కథ. సో.. ఓ యువకుడు తండ్రికోసం.. తన ప్రేయసికోసం విలన్ తో ఎలాంటి పోరాటం చేసి విజేతగా నిలిచాడనేదాన్ని మనం తెరమీద చూడబోతున్నాం అన్నమాట. సాయిధరమ్ తేజ్.. రకుల్ జంటగా నటించిన ఈ చిత్రాన్ని ల‌క్ష్మీ న‌ర‌సింహ ప్రొడ‌క్ష‌న్స్ ప‌తాకంపై... బేబి భ‌వ్య స‌మ‌ర్ప‌ణ‌లో న‌ల్ల‌మ‌లుపు శ్రీనివాస్ (బుజ్జి)... ఠాగూర్ మ‌ధు సంయుక్తంగా నిర్మిస్తున్నారు.

ద‌ర్శ‌కుడు గోపీచంద్ మ‌లినేని మాట్లాడుతూ ‘‘ఒక పాట మిన‌హా ఈ సినిమా షూటింగ్ మొత్తం పూర్త‌యింది. ప్ర‌స్తుతం త‌మ‌న్ ఆధ్వ‌ర్యంలో రీరికార్డింగ్ కార్య‌క్ర‌మాలు జ‌రుగుతున్నాయి.

`విన్న‌ర్` అనే టైటిల్ మా క‌థ‌కు యాప్ట్. టైటిల్ విన్న వారంద‌రూ పాజిటివ్‌గా ఉంద‌ని చెబుతున్నారు. ఫ‌స్ట్ లుక్ పోస్ట‌ర్‌ కు చాలా మంచి స్పంద‌న వ‌చ్చింది. ఇటీవ‌లే ` సితార సితార...` అంటూ సాగే పాట‌ను సూప‌ర్‌ స్టార్ మ‌హేశ్ బాబు విడుద‌ల చేశారు. ఎక్స్ ట్రార్డిన‌రీ రెస్పాన్స్ వ‌చ్చింది. త‌మ‌న్ చాలా మంచి సంగీతాన్నిచ్చారు. సాయిధ‌ర‌మ్‌ తేజ్‌... ర‌కుల్ ప్రీత్ సింగ్ ఆన్‌ స్క్రీన్ కెమిస్ట్రీ అద్భుతంగా ఉంది’ అన్నారు.

నిర్మాత‌లు మాట్లాడుతూ ‘బాల‌న్స్ సాంగ్‌ ని ఈ నెల 12 నుంచి చిత్రీక‌రిస్తాం. ఈ నెల 9న థియేట్రిక‌ల్ విడుద‌ల చేస్తాం. అబ్బూరి ర‌వి... శ్రీధ‌ర్ సీపాన ర‌చ‌న ఆక‌ట్టుకుంటుంది. వెలిగొండ శ్రీనివాస్ మంచి క‌థ‌నిచ్చారు. 19న ఆడియో ప్రీ రిలీజ్ వేడుక‌ను ఘ‌నంగా నిర్వ‌హించి... ఈ నెల 24న సినిమాను ప్రేక్షకుల ముందుకు తెస్తాం’ అన్నారు.

Like Us on Facebook : https://www.facebook.com/Tupakidotcom/