మిల్కీ ఎక్స్ ప్రెషన్.. మెహ్రీన్ ముద్దు కిక్కో కిక్కు

విక్టరీ వెంకటేష్ - మెగా ప్రిన్స్ వరుణ్ తేజ్ క‌థానాయ‌కులుగా న‌టిస్తున్న మ‌ల్టీస్టార‌ర్ కామెడీ కేపర్ F3 చిత్రం 27 మే 2022 న ప్రపంచవ్యాప్తంగా గ్రాండ్ గా థియేటర్లలోకి రానుంది. టీమ్ ప్రచార కార్యక్రమాల్లో వేగం పెంచింది. ఈ రోజు ఉదయం F3 మేకర్స్ 2వ సింగిల్ వూ ఆ ఆహా ఆహా ప్రోమోను విడుదల చేయ‌గా వైర‌ల్ గా దూసుకెళ్లింది. పూర్తి లిరికల్ సాంగ్ ఏప్రిల్ 22న విడుదల కానుంది.

#వూ ఆ అహ అహ‌.. పూర్తి లిరిక‌ల్ వీడియో 22 ఏప్రిల్ 9:09AM విడుద‌ల‌వుతుంద‌ని తాజాగా టీమ్ ప్ర‌క‌టించింది. కాలు క‌దిపేందుకు స్వింగ్ చేసేందుకు సిద్ధంగా ఉండండి అంటూ చిత్ర‌బృందం టీజ్ చేసింది. బిగ్గెస్ట్ ఫ‌న్ ఫ్రాంఛైజీ ఆఫ్ ది ఇయ‌ర్ అని కొటేష‌న్ ఇవ్వ‌డం ఆస‌క్తిక‌రం. వూ ఆ ఆహా ఆహా ప్రోమోలో మిల్కీ వైట్ బ్యూటీ త‌మ‌న్నా.. మెహ్రీన్ కౌర్ పిర్జాదాల గ్లామర్ యాంగిల్ ను ఎలివేట్ చేయ‌డం విశేషం. మెహ్రీన్ వరుణ్ తేజ్ బుగ్గలపై ముద్దు పెట్టేస్తుంటే.. త‌మ‌న్నా అంతే హాట్ గా ఎన‌ర్జిటిక్ గా వెంకీతో టై అప్ అవుతోంది.

పూర్తి ట్రాక్ వినేందుకు ఇంకెంతో స‌మ‌యం లేదు. కేవ‌లం కొన్ని గంట‌లు మాత్ర‌మే వేచి ఉండాలి. ఈ రొమాంటిక్ ట్రాక్ ని సునిధి చౌహాన్- లవితా లోబో- సాగర్ - S.P. అభిషేక్ పాడగా.. కాసర్ల శ్యామ్ లిరిక్స్ రాశారు. దేవి శ్రీ ప్రసాద్ సంగీతం సమకూర్చారు. ప్రోమో చూసిన తర్వాత సంగీత ప్రియుల్లో ఉత్సాహం రెట్టించింది.

వింటేజ్ వెంకీ యూత్‌ఫుల్ .. ఎనర్జిటిక్ విక్టరీ వెంకటేష్ లుక్స్ .. ఆకర్షణను ఎవరూ బీట్ చేయలేరు అంటూ పొగిడేశారు. మరో అభిమాని వ్యాఖ్యానిస్తూ.. విక్టరీ వెంకటేష్ వయసు 61 అయినా కానీ చాలా యంగ్ గా ఎనర్జిటిక్ గా చేస్తున్నాడు.. సూపర్ విక్టరీ వెంకటేష్... అంటూ పొగిడేశారు. మరో నెటిజన్ ఏమ‌న్నారంటే.. తమన్నా డ్యాన్స్ ఎక్స్ ప్రెషన్ ని చూడటానికి వెయిటింగ్ లో ఉన్నాను అని రాసారు.

సునీల్ -సోనాల్ చౌహాన్ ఇందులో ముఖ్యమైన పాత్రలలో నటిస్తుండ‌గా పూజా హెగ్డే స్పెష‌ల్ నంబ‌ర్ యాడ్ చేస్తున్నార‌ని కూడా టాక్ వినిపించింది. ఎఫ్ 3కి అనీల్ రావిపూడి ద‌ర్శ‌క‌త్వం వ‌హిస్తున్నారు. దిల్ రాజు తన హోమ్ బ్యానర్ శ్రీ వెంకటేశ్వర క్రియేషన్స్ లో నిర్మిస్తున్నారు.