మెహబూబ్‌ హింట్ వల్లే సోహెల్‌ ఆ నిర్ణయం తీసుకుని ఉంటాడా?

బిగ్‌ బాస్ చరిత్రలో అరుదైన సంఘటన జరిగింది. హిందీ బిగ్‌ బాస్‌ ఇన్ని సీజన్‌ లలో కేవలం ఒక్క సీజన్‌ లో మాత్రమే టాప్‌ కంటెస్టెంట్‌ సగం డబ్బు తీసుకుని బయటకు వెళ్లారు. సౌత్‌ లో ఎప్పుడు కూడా ఇలాంటి సంఘటన జరగలేదు. కాని సీజన్‌ 4 లో మాత్రం సోహెల్‌ టాప్ 3 లో ఉన్న సమయంలో విన్నర్‌ ను అవుతాననే నమ్మకం ఉందా లేదంటే 25 లక్షలు తీసుకుని బయటకు వెళ్తావా అంటూ నాగార్జున ప్రశ్నించడంతో కుటుంబ సభ్యులతో మాట్లాడిన సోహెల్‌ ఆ డబ్బు తీసుకుని బయటకు వచ్చేందుకు సిద్ద అయ్యాడు. సోహెల్‌ నిర్ణయాన్ని అఖిల్‌ లేదా అభిజిత్‌ అడ్డుకుని ఉంటే కథ వేరేలా ఉండేది. కాని వారు కూడా అడ్డు చెప్పలేదు. దాంతో సోహెల్‌ మంచి నిర్ణయం తీసుకున్నాడు అంటూ అభినందిస్తున్నారు.

ఈ సమయంలో సోహెల్‌ కు మెహబూబ్‌ హింట్ ఇచ్చాడని.. మూడవ స్థానంలో నువ్వు ఉన్నావు. ఖచ్చితంగా డబ్బు ఆఫర్‌ చేస్తే తీసుకోమంటూ హింట్‌ ఇచ్చాడు అంటూ సోషల్‌ మీడియాలో కామెంట్స్ వస్తున్నాయి. గ్లాస్ వాల్‌ కు అవతల వైపు ఉన్న సోహెల్‌ ను మెహబూబ్‌ కమ్యూనికేట్‌ చేసేందుకు ప్రయత్నించినట్లుగా సాక్ష్యాలను కొందరు ప్రదర్శిస్తున్నారు. మెహబూబ్‌ చూపించిన ఆ సిగ్నల్‌ ను సోహెల్‌ చూశాడా అనేది క్లారిటీ లేదు. కాని ఆయన తండ్రి మరియు సోదరుడు చాలా నమ్మకంగా గట్టిగా డబ్బు తీసుకోమంటూ చెప్పడంతో బయట పరిస్థితి ఎలా ఉందో అతడికి అర్థం అయ్యింది.

నాగార్జున కూడా పాతిక లక్షలతో పాటు ఆఫర్‌ ను కూడా ప్రకటించాడని అంటున్నారు. అది టెలికాస్ట్‌ కాలేదు. వీటన్నింటి కారణంగానే సోహెల్‌ టాప్‌ 3 గా బయటకు వచ్చేందుకు సిద్దం అయ్యాడు. మెహబూబ్‌ చెప్పినా చెప్పకున్నా కూడా బయట వారి నుండి కూడా ఆయనకు సిగ్నల్‌ రావడం వల్లే ఈ నిర్ణయం తీసుకున్నాడనే వార్తలు వస్తున్నాయి.