ప్లాప్ బ్యూటీ పోల్ డ్యాన్స్ వీడియో...వైర‌ల్!

ఫెయిర్ అండ్ ల‌వ్ లీ యాడ్ తో పాపుల‌ర్ అయిన బాలీవుడ్ బ్యూటీ యామీ గౌత‌మ్ కు కెరీర్ లో చెప్పుకోద‌గ్గ హిట్ చిత్రం ఒక్క‌టీ లేదు. తెలుగులో నువ్విలా - గౌర‌వం - యుద్ధం - కొరియ‌ర్ బాయ్ క‌ల్యాణ్....చిత్రాల‌లో న‌టించిన ఈ బ్యూటీకి స‌క్సెస్ ద‌క్క‌లేదు. పైగా ఆ చిత్రాల‌న్నీ డిజాస్ట‌ర్ లుగా నిల‌వ‌డంతో తెలుగులో మ‌రో చాన్స్ రాలేదు. హృతిక్ రోష‌న్ తో న‌టించిన కాబిల్ లో యామిది పెద్ద చెప్పుకోద‌గ్గ పాత్ర కాదు. స‌ర్కార్ 3లో చేసినా పెద్ద గుర్తింపు రాలేదు. ప్ర‌స్తుతం `గుల్ బ‌త్తి మీట‌ర్ చాలు` సినిమాలో న‌టిస్తోన్న యామీ...గ్లామ‌ర్ డోస్ పెంచేందుకు రెడీ అని గ్రీన్ సిగ్న‌ల్ ఇచ్చేసింది. మామూలుగా క‌నిపిస్తే ఆఫ‌ర్లు త‌లుపుత‌ట్ట‌వ‌న్న తత్వం యామీకి బోధ‌ప‌డిన‌ట్లుంది. అందుకే, తాజాగా - పోల్ డ్యాన్స్ ప్రాక్టీస్ చేస్తున్న హాట్ వీడియోను యామీ...త‌న ఇన్ స్టా గ్రామ్ ఖాతాలో పోస్ట్ చేసింది. ఆ వీడియో సోష‌ల్ మీడియాలో వైర‌ల్ అయింది.

టాలీవుడ్ ...బాలీవుడ్...కోలీవుడ్...ఇలా ఏ ఇండ‌స్ట్రీలో అయినా....అందాల ఆర‌బోత‌కే ప్రాధాన్య‌త ఉంటుంద‌న్న‌ది ఓపెన్ సీక్రెట్. ఏదో అతి కొద్దిమంది మాత్ర‌మే గ్లామ‌ర్ పాత్ర‌ల‌కు దూరంగా ఉండి...అర‌కొర సినిమాల‌తో స‌రిపెట్టుకుంటారు. ఇదే త‌ర‌హాలో....యామి కూడా గ్లామ‌ర్ రేసులో బాగా వెనుక‌బ‌డిపోయింది. గ్లామ‌ర్ గేట్లు ఎత్త‌నిదే అవ‌కాశాలు రావ‌ని అనుకున్న‌ట్టుంది. అందుకే, కొద్ది రోజుల క్రితం ఓ మేగజైన్ కి హాట్ గా పోజులిచ్చింది. తాజాగా, పోల్ డ్యాన్స్‌ తో ఆ డోస్ మ‌రింత పెంచింది. ఏద‌న్నా సినిమాలో న‌టించేందుకో లేదంటే....అలా ప‌డుంటింద‌నో...యామి ప్ర‌స్తుతం పోల్ డ్యాన్స్‌ ట్రైనింగ్ తీసుకుంటోంది. హాట్ హాట్ గా పోల్ డ్యాన్స్ చేస్తున్న యామీ.... ఆ వీడియోను త‌న అభిమానుల‌తో షేర్ చేసుకుంది. మ‌రి, పోల్ డ్యాన్స్ తో నైనా యామి ఫేట్ మారుతుందేమో వేచి చూడాలి.