వర్మ సర్కార్ లో ఫెయిర్ అండ్ లవ్లీ గాళ్‌

సంచలన దర్శకుడు అనిపించుకునే రామ్ గోపాల్ వర్మ చాలా విషయాలపై ట్వీట్స్ పెట్టేస్తుంటాడు. వర్మ అన్నింటిలోను ఎంటర్ అయిపోతాడు అనిపిస్తుంది కానీ.. హీరోయిన్స్ విషయంలో దూరడం మాత్రం పెద్దగా కనిపించదు. కానీ ఓ నెల్లాళ్లక్రితం యామీ గౌతమ్ ను అనవసరంగా తన ట్వీట్లలోకి లాగి కామెంట్స్ పెట్టాడు.

యామీ గౌతమ్ కి దమ్ముంటే.. ఫెయిర్ అండ్ లవ్లీ క్రీమ్ రాసుకునే అందంగా మారానని చెప్పాలంటూ ఛాలెంజ్ కూడా విసిరాడు. అందాల భామల విషయంలో అనవసరమైన కామెంట్స్ చేయని వర్మ.. ఎందుకు యామీని ఇరికిస్తున్నాడో అప్పుడు అర్ధం కాలేదు. కానీ ఇప్పుడు ఓ క్లారిటీ వచ్చేసింది. తన సినిమాలో ఓ కేరక్టర్ కి ఆమెను తీసుకున్న విషయం చెప్పకుండా.. అప్పుడు అలా కామెంట్స్ పెట్టి.. ఇప్పుడు అసలు విషయం చెప్పేశాడు వర్మ. ఈ దర్శకుడు తీస్తున్న లేటెస్ట్ మూవీ సర్కార్3లో యామీ గౌతమ్ కు కీలక రోల్ ఇవ్వడమే కాదు.. ఇప్పటికే ఆమె లుక్ ని కూడా రివీల్ చేసేశాడు.

సర్కార్3కి సంబంధించి అందరి కేరక్టర్స్ - లుక్స్ తో పాటు యామీ గౌతమ్ రోల్ గురించి కూడా చెప్పాడు వర్మ. 'సర్కార్3లో యామీ గౌతమ్ అన్ను కర్కరే పాత్ర పోషిస్తోంది. తన తండ్రిని చంపినందుకు గాను సర్కార్ పై పగ తీర్చుకోవాలని అనుకునే అమ్మాయి రోల్' అంటూ ట్వీట్ చేసిన వర్మ.. 'ఫెయిరెస్ట్.. లవ్లీయెస్ట్.. అండ్ ఇంటెన్సెస్ట్' అంటా బాగా ఇంటెన్సిటీ ఉన్న రోల్ అని చెప్పాడు రామ్ గోపాల్ వర్మ.

Like Us on Facebook : https://www.facebook.com/Tupakidotcom/