ఫోటో స్టోరీ: త‌రుణ్ ప్యారీ త‌రుణి

కాటుక క‌ళ్లు.. ముక్కుకు ముక్కెర‌.. మెడ‌లో వైడూర్య‌ కెంపుల హారం.. కాంబినేష‌న్ పింక్ డిజైన‌ర్ జాకెట్ .. పింక్‌ ప‌రికిణీ .. ఇలా చూడ‌గానే ఎవ‌రైనా పెళ్లికూతురేమో అనుకుంటారు. షార్ట్ హెయిర్‌ లోనూ స్ట‌న్నింగ్ ఫోజు ఇవ్వ‌డం యామీకే చెల్లింది. ప్ర‌ఖ్యాత ఖుష్ మ్యాగ‌జైన్ క‌వ‌ర్ పేజీపై ద‌ర్శ‌న‌మిచ్చిందిలా.

`విక్కీడోన‌ర్` లాంటి ప్ర‌యోగాత్మ‌క చిత్రంతో యామీ బాలీవుడ్‌ లో ప్ర‌వేశించింది. కాబిల్‌ - యాక్ష‌న్ జాక్స‌న్ - బ‌ద్లాపూర్ చిత్రాల‌తో గొప్ప న‌టిగా వెలిగిపోయింది. రెగ్యుల‌ర్ క‌మ‌ర్షియ‌ల్ సినిమాల‌కు భిన్న‌మైన చిత్రాల్లో న‌టించడం వ‌ల్ల యామీకి ప్ర‌త్యేకించి గుర్తింపు ద‌క్కింది. అంత‌కుముందు ఈ భామ టాలీవుడ్ స‌హా సౌత్‌ లో న‌టించినా రాని గుర్తింపు హిందీలోనే ఈజీగా వ‌చ్చింది. అయితే ఇంత గుర్తింపు వ‌చ్చినా అసాధార‌ణ స్టార్ ఇమేజ్‌ ని మాత్రం సొంతం చేసుకోలేక‌పోయింది.

అవ‌కాశాల ప‌రంగా.. కెరీర్ ప‌రంగా డోఖా లేదు. క‌థానాయిక‌గా బండి న‌డిపించేస్తోంది. త‌న‌కు ఉన్న ప‌రిచ‌యాల‌తో సినిమాల‌కేం కొద‌వ లేదు. అప్పుడ‌ప్పుడు ఇలా ఫోటోషూట్ల‌తోనూ వేడిపెంచుతూ త‌న‌ని ఎవ‌రూ మ‌ర్చిపోకుండా లీడ్ చేస్తోంది. సింపుల్ లుక్‌ తో ఫెంటాస్టిక్ ఇంప్రెష‌న్ కొట్టేసింది యామీ. అన్న‌ట్టు ఈ భామ హీరో తరుణ్ స‌ర‌స‌న `యుద్ధం` అనే చిత్రంలో న‌టించింది. ఆ సినిమా రిలీజైందా లేదా అన్న‌ది ఎవ‌రికీ తెలీదు. అలాగే స‌ర్జిక‌ల్ స్ట్రైక్స్ అనే క్రేజీ చిత్రంలో ప్ర‌స్తుతం న‌టిస్తోంది. ఈ సినిమా త్వ‌ర‌లో రిలీజ్‌ కి రానుంది.