రేటు తగ్గించుకున్న హీరోయిన్!!

ఉత్తరాది అందాల యామీ గౌతమ్ కు క్రేజ్ బోలెడంత ఉంది. బ్రాండ్ ఎండార్స్ మెంట్స్.. టీవీ సీరియల్స్ ద్వారా ప్రపంచానికి బాగానే తెలిసిన ఈమె.. సినిమాలు కూడా బాగానే చేసింది. తెలుగులో నువ్విలా.. గౌరవం.. యుద్ధం.. కొరియర్ బాయ్ కళ్యాణ్ వంటి సినిమాల్లో కనిపించింది యామీ.

స్టార్ స్టేటస్ అందుకుంటుందని ఇండస్ట్రీ జనాలు యామీ గౌతమ్ పై అంచనా వేశారు. అయితే.. యామీ ఆ స్థాయికి చేరుకోలేకపోయింది. ఈ ఏడాది ప్రారంభంలో వచ్చిన హృతిక్ రోషన్ కాబిల్ మూవీనే.. ఇప్పటివరకూ ఈ భామకు అత్యంత క్రేజీ మూవీ. ఆ సినిమా సక్సెస్ రేంజ్ ను పక్కనపెడతే.. బాగానే వసూలు చేసింది. కానీ కాబిల్ వెంటనే ఈమె రేటు పెంచేయడంతో.. మళ్లీ అవకాశాలు అడుగంటిపోయాయి. పైగా వర్మ తీసిన సర్కార్3 మూవీ డింకీ కొట్టేయడం కూడా.. ఒక కారణంగా చెప్పాలి. ఈ భఆమ అడుగుతున్న రెమ్యూనరేషన్ భారీగా ఉంటోందని.. పైగా లీడ్ హీరోయిన్ పాత్ర కాకపోయినా ఈ స్థాయిలో డిమాండ్ చేస్తుండడంతోనే.. కొత్త ప్రాజెక్టులపై సైన్ చేయలేకపోతోందన్నది ట్రేడ్ జనాల వాదన.

ఇప్పుడు మూవీ మేకర్స్ కి అందుబాటులో ఉండేందుకు గాను.. తన పారితోషికం బాగా తగ్గించుకుందట యామి గౌతమ్. మొదట అవకాశాలు అందుకోవాలి.. క్రేజీ హీరోయిన్ అనిపించుకోవాలి.. అప్పుడు ఎలాగూ అడిగినంత ఇవ్వకతప్పదు.. ఈ సత్యాన్ని బాగానే వంటబట్టించుకున్నట్లుగా ఉంది ఈ ఉత్తరాది భామ.