#కేజీఎఫ్ 2.. రాఖీ భాయ్ య‌ష్ హీరో కాదు విల‌న్

`కేజీఎఫ్‌` మూవీతో దేశ వ్యాప్తంగా సంచ‌ల‌నం సృష్టించారు క‌న్న‌డ రాకింగ్ ‌స్టార్ య‌ష్‌. ఈ మూవీతో రాత్రికి రాత్రే య‌ష్ పాన్ ఇండియా స్టార్‌గా మారిపోయాడు. ప్ర‌స్తుతం సీక్వెల్ కాని క‌థ‌తో చాప్ట‌ర్ 2 రూపొందుతోంది. షూటింగ్ చివ‌రి ద‌శ‌కు చేరుకున్న ఈ మూవీపై దేశ వ్యాప్తంగా భారీ అంచ‌నాలు నెల‌కొన్నాయి. అందుకు ఏమాత్రం తీసిపోని స్థాయిలో ఈ మూవీని ద‌ర్శ‌కుడు ప్ర‌శాంత్ నీల్ తెర‌కెక్కిస్తున్నారు. తాజాగా బ‌య‌టికొ‌చ్చిన య‌ష్ ర‌గ్గ్ డ్ లుక్ వైర‌ల్ అవుతోంది. య‌ష్ ఓ పెర్ఫ్యూమ్ యాడ్ ‌లో న‌టించాడు.

పేక ముక్క‌ని కాల్చుతూ దాంతో సిగార్ ని అంటించుకుంటున్న లుక్ వైర‌ల్ అవుతోంది. ఈ గెట‌ప్ ‌కి సంబంధించి #HeroNahiVillain అనే హ్యాష్ ‌ట్యాగ్ కింద ట్రెండింగ్ అవుతోంది. య‌ష్ న‌టిస్తున్న `కేజీఎఫ్ చాప్ట‌ర్ 2`కు సంబంధించిన లుక్ ‌ని ద‌ర్శ‌కుడు ప్ర‌శాంత్ నీల్ ఇటీవ‌లే విడుద‌ల చేశారు. బ్లాక్ బ్లేజ‌ర్ లో వైట్ ష‌ర్ట్ ‌లో య‌ష్ మాన్ స్ట‌ర్ ‌గా క‌నిపిస్తున్న తీరు సినిమాపై మ‌రిన్ని అంచ‌నాల్ని పెంచేసింది.

ప్ర‌స్తుతం కేజీఎఫ్ చివ‌రి షెడ్యూల్ హైద‌రాబాద్ లో జ‌రుగుతోంది. సంజ‌య్ ‌ద‌త్.., య‌ష్ ‌ల‌పై క్లైమాక్స్ కు సంబంధించిన స‌న్నివేశాల్ని చిత్రీక‌రిస్తున్నారు. దీంతో ఈ మూవీ షూటింగ్ మొత్తం పూర్తి కాబోతోంది. జ‌న‌వ‌రి 8న టీజ‌ర్ ని రిలీజ్ చేయాల‌ని ప్లాన్ చేస్తున్నారు. ఆ రోజు హీరో య‌ష్ పుట్టిన రోజు సంద‌ర్భంగా ప్ర‌పంచ‌వ్యాప్తంగా అభిమానులు సోష‌ల్ మీడియాల్లో శుభాకాంక్ష‌లు తెలిపారు.