వైఎస్ బయోపిక్..షర్మిలాగా భూమిక..నిజమెంత?

‘యాత్ర’ మూవీ పట్టాలెక్కింది.. ఉమ్మడి ఏపీ రాష్ట్ర ముఖ్యమంత్రిగా సంక్షేమ పథకాలతో మళ్లీ రామరాజ్యంను గుర్తుకు తెచ్చిన దివంగత ముఖ్యమంత్రి వైఎస్ రాజశేఖర్ రెడ్డి బయోపిక్ కు అంతా సిద్ధమైంది. వైఎస్ పాత్రలో తమిళ సూపర్ స్టార్ మమ్ముట్టి నటిస్తున్నారు. ఈ సినిమాలో వైఎస్ సన్నిహితుడు కేవీపీ పాత్రలో ప్రఖ్యాత నటుడు రావు రమేష్ నటిస్తున్నాడని వార్తలు వచ్చాయి.. ‘యాత్ర’ పేరుతో మొదలయ్యే ఈ బయోపిక్ మూవీ ఇప్పుడు తెలుగు రాష్ట్రాల్లో హాట్ టాపిక్ గా మారింది..

కాగా వైఎస్ బయోపిక్ గురించి తాజాగా ఓ వార్త చక్కర్లు కొడుతోంది. వైఎస్ కూతురు షర్మిల పాత్ర సినిమాలో కీలకమని.. ఆ పాత్రలో నటి భూమికను నటింప చేయాలని చిత్రం యూనిట్ భావిస్తున్నట్టు వార్తలు వస్తున్నాయి.. కానీ అసలు సినిమాలో షర్మిల, వైఎస్ జగన్ సతీమణి భారతి పాత్రలే లేవని అంటోంది యూనిట్. కేవలం సినిమా ప్రారంభంలో ఓ చిన్న మలుపుతిప్పే పాత్ర కోసమే భూమికను చిత్రం సంప్రదించినట్టు తెలుస్తోంది. కానీ దీనికి భూమిక ఒప్పుకోలేదని సమాచారం.

వైఎస్ పాదయాత్ర - అధికారంలోకి ఎలా వచ్చారు.. రాష్ట్రాన్ని ఎలా పరిపాలించారనేది సినిమాలో చూపిస్తారని.. ఇందులో వైఎస్ కుటుంబ సభ్యులు కానీ - జగన్ కు కానీ అంత స్కోప్ ఉన్న పాత్రలు లేవని చిత్రం యూనిట్ అంటోంది. సినిమా స్క్రిప్ట్ మొత్తం వైఎస్ రాజకీయ ప్రస్థానం చుట్టూనే తిరుగుతుంది తప్ప.. కుటుంబ సభ్యుల చుట్టూ కాదని తెలుస్తోంది. జూన్ 18న మూవీ గాంధీభవన్ - కాంగ్రెస్ పార్టీ మీటింగ్ లాంటి సీన్లతో ప్రారంభించనున్నట్లు చిత్రం యూనిట్ తెలిపింది.