వెంటాడే ప్రేమ బాష - సాహో వీడియో

అభిమానులు ఎప్పుడెప్పుడా అని ఎదురు చూస్తున్న సాహూ హంగామా ఊపందుకుంది. మొన్న ప్రకటించినట్టుగానే ఏ చోట నువ్వున్నా వీడియో సాంగ్ రిలీజ్ చేశారు. కళ్ళు చెదిరిపోయే అరుదైన ఆస్ట్రియా లొకేషన్స్ లో ప్రభాస్ శ్రద్ధా కపూర్ కెమిస్ట్రీని అద్భుతంగా చిత్రీకరించిన తీరు మళ్ళీ మళ్ళీ చూసేలా ఉంది. వైభవి మర్చంట్ కంపోజ్ చేసిన స్టెప్స్ చాలా స్టైలిష్ గా ఉండటమే కాక సింపుల్ గా ఉన్నాయి. ఇదే ప్రధాన ఆకర్షణగా నిలుస్తోంది.

ఎక్కువ హడావిడి లేకుండా విజువల్స్ హై లైట్ అయ్యేలా లొకేషన్స్ ని ఎలివేట్ చేసిన తీరు సింప్లీ సూపర్బ్ అని చెప్పొచ్చు. గురు రంద్వాన్ ట్యూన్ మొదట విన్నప్పుడు నార్మల్ గా అనిపించినా ఇప్పుడు మాత్రం చాలా కూల్ మెలోడీగా ఆకట్టుకునేలా వీడియో చూశాక కొత్త ఇంప్రెషన్ కలిగించింది సాహో మీద మెల్లగా పెరుగుతున్న అంచనాలు దీంతో పీక్స్ కి వెళ్లిపోయేలా ఉన్నాయి.

ప్రభాస్ ని తెరమీద చూసి రెండేళ్లు దాటిన నేపథ్యంలో ఇప్పుడీ పాటలో డార్లింగ్ బాడీ లాంగ్వేజ్ కి ఫిదా కానీ వాళ్ళు ఉండరు. యాక్షన్ బ్యాక్ డ్రాప్ మూవీ కాబట్టి పాటలు ఎలా ఉంటాయనే అనుమానాలకు చెక్ పెడుతూ ఏ చోట నువ్వున్నా మొత్తానికి అంచనాలు అందుకుంది. ఈ నెల 30న విడుదల కానున్న సాహోలోని మిగిలిన పాటల కోసం ఎదురు చూసేలా ఇప్పుడీ వీడియో సాంగ్ హైప్ ని పెంచేయడం విశేషం.