ట్రైలర్ టాక్‌: ఏ మంత్రమూ వేయట్లేదు

అర్జున్ రెడ్డి లాంటి ట్రెండ్ సెట్టింగ్ సినిమా విజయ్ దేవేరకొండ ని టాలీవుడ్లో పెద్ద హీరో ని చేసింది. కెరీర్ లో చేసిన అన్ని సినిమాలు ఒక ఎత్తు ఇదొక్కటే ఒక ఎత్తు అన్నంత పెద్ద సక్సెస్ ను విజయ్ కి దక్కించింది. అలాంటి సినిమా తరువాత విజయ్ మళ్ళీ ఎలాంటి కథతో రాబోతున్నాడు అని ఆశగా ఎదురు చూస్తున్న ఫాన్స్ కు ఒక పెద్ద ఎదురు దెబ్బ తగిలినట్టైంది.

ప్రస్తుతం తమిళ సినిమా తో బిజీ గా ఉన్న విజయ్, కెరీర్ మొదట్లో 'ఏ మంత్రం వేశావే' అని ఒక సినిమా చేశాడు. అప్పట్లో రిలీజ్ కి నోచుకోని ఈ సినిమా ని అర్జున్ రెడ్డి హిట్ అయిపోవడం వల్ల వచ్చిన క్రేజ్ ని ఉపయోగించుకుంటూ ఇప్పుడు విడుదల చేస్తున్నారు దర్శక నిర్మాతలు. ఈ సినిమా మార్చ్ 9న రిలీజ్ కి సిద్ధం అవుతుండగా మేకర్స్ ట్రైలర్ ని రిలీజ్ చేశారు. హీరోయిన్ గొంతుతో హీరో విజయ్ ఒక గేమర్ గా పరిచయం అయ్యాడు. ట్రైలర్ అంతా అలానే గేమింగ్ తోనూ, చేజ్ లతోను సాగుతుంది. ఇదిలా ఉండగా ఫాన్స్ కు ఇది ఏ మాత్రం నచ్చినట్టు లేదు. నెగెటివ్ కామెంట్లు ఎక్కువగా పొందుతున్న ఈ ట్రైలర్ లో విజయ్ మాత్రం ఒక సరికొత్త లుక్ తో అందరిని ఆశ్చర్య పరిచాడు.

శ్రీధర్ మర్రి ఈ సినిమాకు దర్శకత్వం వహించారు. ఈ సినిమా మొత్తానికి విజయ్ ఏ హైలైట్ అవుతాడు అంటే ఏ మాత్రం అతిశయోక్తి లేదు. మరి ఏ మాత్రం వేశావే అంటూ వచ్చి ప్రేక్షకులపై అర్జున్ అదే మన విజయ్ ఎం మాత్రం వేస్తాడో వేచి చూడాల్సిందే.