మళ్ళీ పాత పాటనే టైటిల్ గా...

టాలీవుడ్ టాప్ నిర్మాతల్లో అల్లు అరవింద్ ఒకరని అందరికి తెలిసిన విషయమే. అయితే ప్రతి నిర్మాత తన కొడుకు హీరో అయితే బావుంటుందని అనుకుంటాడు. అల్లు అరవింద్ కి ఆ లోటును అల్లు అర్జున్ ఎప్పుడో తీర్చేశాడు. ఇక చిన్న కుమారుడు అల్లు శిరీష్ కూడా అదే స్థాయిలో హిట్స్ అందుకుంటే బావుంటుందని శిరీష్ కెరీర్ కోసం చాలా జాగ్రత్తలు తీసుకుంటున్నారు.

ఇప్పటివరకు శిరీష్ చేసిన సినిమాలు ఏవి.. డబ్బులు వచ్చినా కూడా కంటెంట్ పరంగా అంతగా ఆకట్టుకోలేదు. నటనలో ఇంకా చాలా నేర్చుకోవాలి అనే కామెంట్స్ కూడా వినిపించాయి. అయితే నెక్స్ట్ సినిమాలో మాత్రం ఈ అల్లు హీరో తప్పకుండా తన టాలెంట్ ను చూపిస్తాడట. ప్రస్తుతం శిరీష్ విఐ ఆనంద్ దర్శకత్వంలో ఒక సినిమాను చేస్తోన్న సంగతి తెలిసిందే. అయితే ఈ సినిమాకి దర్శకుడు తన సెంటిమెంట్ ని బాగా ఫాలో అవుతున్నాడట. అల్లు అరవింద్ నిర్మాణంలో తెరకెక్కుతోన్న ఈ సైన్స్ ఫిక్షన్ థ్రిల్లర్ కి ' ఏ నిమిషానికి ఏమి జరుగునో' అనే టైటిల్ ని సెట్ చేశారు.

నిర్మాత కూడా ఒకే అన్నట్లు తెలుస్తోంది. విఐ ఆనంద్ ఇంతకుముందు నిఖిల్ తో ఎక్కడికి పోతావు చిన్నవాడా అనే టైటిల్ ను సెట్ చేసుకున్న సంగతి తెలిసిందే. ఇలా ఓల్డ్ సాంగ్స్ లోని లైన్స్ ని తీసుకొని దర్శకుడు సినిమా కంటెంట్ కి తగ్గట్టు సెట్ చేసుకుంటున్నాడు. మరి రెండవసారి సెంటిమెంట్ సక్సెస్ అయితే మరోసారి ఏది వెతుక్కుంటాడో చూడాలి.