అలనాటి స్టార్ హీరోయిన్.. హ్యాపీ ఫ్యామిలీ ఫోటోలు వైరల్!

హీరోయిన్ రంభ.. అంటే తెలుగు ప్రేక్షకులకు పరిచయం అక్కర్లేదు. టాలీవుడ్ ఇండస్ట్రీలో స్టార్ హీరోయిన్‌గా ప్రేక్షకుల మనసులు కొల్లగొట్టి స్టార్డం అందుకుంది. దాదాపు తెలుగు స్టార్ హీరోలు అందరితో ఆడిపాడింది రంభ. ఇక సినిమాలు తగ్గిన తర్వాత పెళ్లి చేసుకుని వెండితెరకు దూరంగా ఉంటోంది. ప్రస్తుతం ఈ బ్యూటీ తన భర్త.. ముగ్గురు పిల్లలతో ఆనందంగా ఉంటోంది. రంభకు ఇద్దరు ఆడపిల్లలు, ఒక బాబు. ఇక తాజాగా తన కుటుంబంతో దిగిన కొత్త ఫొటోలను ఇన్‌స్టాగ్రామ్ ద్వారా అభిమానులతో షేర్ చేసింది. కెనడాకు చెందిన భారతీయ వ్యాపారవేత్త ఇంద్రన్‌ను 2010 ఏప్రిల్‌లో రంభ పెళ్లి చేసుకుంది. వీరి వివాహం కూడా తిరుపతిలోనే జరిగింది. 2011లో రంభ మొదటి కూతురు లాణ్యకు.. 2015లో రెండో కూతురు శాషాకు జన్మనిచ్చింది. ఇద్దరు ఆడపిల్లలు పుట్టిన తరవాత భార్యభర్తల మధ్య మనస్పర్థలు వచ్చి రంభ 2017లో కెనడా నుంచి చెన్నైకి వచ్చేసింది. కొంతకాలం తర్వాత మళ్లీ భర్త దగ్గరికి వెళ్ళిపోయింది.

ఇక 2018లో వీరికి మగబిడ్డ శివిన్‌ జన్మించాడు. ప్రస్తుతం రంభ ఫ్యామిలీ కెనడాలో ఎంతో హ్యాపీగా జీవిస్తోంది. అయితే 90ల్లో వెండితెరపై ఓ వెలుగు వెలిగిన అగ్ర హీరోయిన్ రంభ.. విజయవాడలోనే పుట్టి పెరిగింది. రంభ తెలుగుతో పాటు తమిళం.. మలయాళం.. కన్నడ.. హిందీ.. బెంగాలీ భాషల్లో నటించింది. కొంతకాలం సౌత్ ఇండస్ట్రీ మొత్తం ఊపేసింది. ఇక ‘సర్గం’ అనే మలయాళ సినిమా ద్వారా రంభ వెండితెరకు పరిచయమయ్యింది. ఈ సినిమాను రెండేళ్ల తరవాత తెలుగులో ‘సరిగమలు’ పేరుతో విడుదల చేశారు. ఆ తర్వాత 1992లో ‘ఆ ఒక్కటి అడక్కు’ సినిమా ద్వారా టాలీవుడ్‌ లో అడుగు పెట్టింది. తొలి సినిమాతోనే తన అందం, అభినయం తో ఆకట్టుకుని అగ్ర హీరోల సరసన అవకాశాలు దక్కించుకుంది. అంతేగాక కొన్ని సినిమాల్లో ప్రత్యేక గీతాల్లో కూడా ఆడి పాడింది. రంభ చివరిగా ‘యమదొంగ’ సినిమా లో ఎన్టీఆర్‌ తో.. నాచోరే నాచోరే అంటూ స్టెప్పులేసి అలరించింది. ఇక 2008లో నటిగా ‘దొంగసచ్చినోళ్లు’ సినిమాలో కనిపించింది. ప్రస్తుతం దాంపత్య జీవితాన్ని హ్యాపీగా లీడ్ చేస్తుందని ఫ్యామిలీ ఫోటోలు చూస్తే అర్ధమవుతుంది.