మెగా లిస్టులో మరో హీరో..!

మెగా ఫ్యామిలీలో ఉన్నంతమంది హీరోలు సినిమా నేపథ్యం ఉన్న మరే ఇతర కుటుంబంలో కూడా లేరు. ఇప్పటికే క్రికెట్ టీమ్ కు సరిపడినంతమంది మెగా హీరోలు ఉన్నారని అని కొందరు సరదాగా కామెంట్లు చేస్తూ ఉంటారు. ఎంతమంది ఉన్నా ఇంకా కొత్త మెగా హీరోల రాక ఆగడం లేదు.. సాయి ధరమ్ తేజ్ తమ్ముడు వైష్ణవ్ తేజ్ హీరోగా నటిస్తున్న డెబ్యూ సినిమా ఇప్పుడు సెట్స్ పై ఉంది. వైష్ణవ్ తేజ్ తర్వాత మరో హీరో రెడీ అవుతున్నాడు.

అల్లు అరవింద్ కు దగ్గరి చుట్టమైన విరాన్ ముత్తంశెట్టి హీరోగా ఎంట్రీ ఇస్తున్నాడని సమాచారం. ఇప్పటికే హీరో అయ్యేందుకు అవసరమైన యాక్టింగ్.. డ్యాన్స్.. ఫైట్స్ ట్రైనింగ్ అంతా పూర్తయిందట. సహజంగా డెబ్యూ హీరోలు లవ్ స్టొరీతో ఎంట్రీ ఇస్తారు.. కానీ విరాన్ మాత్రం ఒక డివోషనల్ థ్రిల్లర్ జోనర్లో తెరకెక్కే సినిమాతో ఎంట్రీ ఇస్తున్నాడట. ఈ సినిమాకు చిట్టి శర్మ దర్శకత్వం వహిస్తాడని సమాచారం. ఈ సినిమా షూటింగ్ జూన్ లో ప్రారంభిస్తారట.

డైరెక్ట్ గా మెగా ఫ్యామిలీ మెంబర్ కాకపోయినా అల్లువారి క్లోజ్ రిలేటివ్ కాబట్టి విరాన్ కూడా మెగా ఫ్యామిలీ హీరో కిందే లెక్క. మరి ఈ కొత్త మెగా హీరో తెలుగు ప్రేక్షకులను ఎంతవరకూ మెప్పిస్తాడో వేచి చూడాలి.