యువ‌క్రికెట‌ర్‌ ని ఊర్వ‌శి అంత‌గా హేట్ చేయ‌డానికి కార‌ణ‌మేంటో తెలిసిందా?

టీమిండియా ఆల్ రౌండ‌ర్ హార్థిక్ పాండ్యా స‌డెన్ గా త‌న ప్రియురాళ్ల‌కు టాటా చెప్పేసి చివ‌రిగా విదేశీ బ్యూటీ న‌టాషా స్టాంకోవిక్ ని పెళ్లాడిన సంగ‌తి తెలిసిందే. అత‌డి మాజీ ప్రియురాళ్ల‌ జాబితాలో ఊర్వ‌శి రౌతేలా- ఎల్లీ అవ్ రామ్- ప‌రిణీతి చోప్రా పేర్లు ఉన్నాయి. ఇప్పుడు హార్థిక్ లానే మ‌రో యువ క్రికెట‌ర్ రిష‌బ్ పంథ్ ఊర్వ‌శి రౌతేలాకు హ్యాండిచ్చాడంటూ ప్ర‌చారం సాగుతోంది. అత‌డు ఇషా నేగి అనే మోడ‌ల్ తో ప్రేమ‌లో ప‌డిన త‌ర్వాత ఊర్వ‌శి రౌతేలాకు గుడ్ బాయ్ చెప్పేశాడ‌న్న‌ది ఈ క‌థ‌నం సారాంశం.

ఇక‌పోతే తాజాగా అభిమానుల‌తో ఇంట‌రాక్ష‌న్ సెష‌న్ లో ఊర్వ‌శి రౌతేలా అస‌లు రిష‌బ్ పంథ్ ఎవ‌రో తెలియ‌దు అన్న‌ట్టే వ్య‌వ‌హ‌రించ‌డంపైనా అభిమానుల్లో సందేహం నెల‌కొంది. క్రికెట్ గాడ్ స‌చిన్ టెండూల్క‌ర్ స‌ర్.. విరాట్ కోహ్లీ స‌ర్ నాకు తెలుసు. అంత‌కుమించి క్రికెట్ ని చూడ‌ను. అందువ‌ల్ల నాకు క్రికెట‌ర్లు తెలీదు! అన్న‌ట్టే మాట్లాడింది ఊర్వ‌శి.

తాజాగా బాలీవుడ్ హాట్ హీరోయిన్ ఊర్వశి రౌతేలా ఇటీవల తన అనుచరులతో ఇన్ ‌స్టాగ్రామ్ లో ఇంటరాక్టివ్ సెషన్ నిర్వహించారు. ఒక ప్రశ్నకు ఆమె స్పందన దేశవ్యాప్తంగా మిలియన్ల మంది క్రికెట్ అభిమానుల దృష్టిని ఆకర్షించింది. ఊర్వ‌శి అభిమానులలో ఒకరు తన అభిమాన క్రికెటర్ గురించి ప్ర‌శ్నించారు.కానీ ఆమె క్రికెట్ చూడటం లేదని ఎందుకంటే తాను క్రికెటర్లు ఎవరికీ తెలియదని ఆమె సమాధానం ఇచ్చింది.

భారతీయ లెజెండరీ క్రికెట‌ర్ సచిన్ టెండూల్కర్.. ఇండియా కెప్టెన్ విరాట్ కోహ్లీ పట్ల తనకు లోతైన గౌరవం ఉందని ఊర్వ‌శి వెల్ల‌డించారు. నేను క్రికెట్ అస్సలు చూడను కాబట్టి క్రికెటర్లు పెద్ద‌గా తెలియదు. సచిన్ సర్ & విరాట్ సార్ అంటే గౌరవం ఉంది అని ఊర్వ‌శి రౌతేలా సోష‌ల్ మీడియాల్లో తెలిపింది.

భారత వికెట్ కీపర్ కం బ్యాట్స్‌మన్ రిషబ్ పంత్‌తో ఊర్వ‌శి రౌతేలా ఎఫైర్ పై కొన్నేళ్ల క్రితం పలు మీడియాల్లో క‌థ‌నాలొచ్చాయి. అయితే రిషబ్ పంత్ త‌మ మ‌ధ్య‌ సంబంధాన్ని బహిరంగపరిచే ముందు 2018 లో వాట్సాప్ లో ఊర్వశిని బ్లాక్ చేశాడు.

రిషబ్ పంత్ ఊర్వ‌శి రౌతేలా ఒకరితో ఒక‌రు సంబంధంలో ఉన్నారని ఎప్పుడూ అంగీకరించనప్పటికీ ఆ సమయంలో దిల్లీ క్యాపిటల్స్ కెప్టెన్ ఈ రిలేష‌న్ షిప్ ని ముందుకు తీసుకెళ్లడానికి ఇష్టపడలేదు. దాంతో ఊర్వశి రౌతేలాతో రిలేష‌న్ షిప్ ని అడ్డుకున్నట్లు తెలిసింది.

ఊర్వశి రౌతేలాతో తన ఎఫైర్ పుకార్ల మధ్య రిషాబ్ పంత్ ఇచ్చిన ట్విస్టు తాజాగా చ‌ర్చ‌నీయాంశ‌మైంది. మోడ‌ల్ ఇషా నేగితో తన సంబంధాన్ని రిష‌బ్ అధికారికంగా ధృవీకరించాడని తెలిసింది. ఇన్ స్టాగ్రామ్ లో ఒక పోస్ట్ ‌ను పంచుకున్న రిషబ్, ``నేను మిమ్మల్ని సంతోషపెట్టాలనుకుంటున్నాను.. ఎందుకంటే నేను చాలా సంతోషంగా ఉన్నాను`` అంటూ న‌ర్మ‌గ‌ర్భంగా వ్యాఖ్యానించాడు. ఇషా నేగితో అత‌డు త‌న రిలేష‌న్ ని ధృవీక‌రించాడు. రిషబ్ పంత్ స్నేహితురాలు ఇషా నేగి కూడా తన ఇన్ ‌స్టాగ్రామ్ హ్యాండిల్ లో అత‌డితో ఉన్న ఒక ఫోటోని పంచుకున్నారు. ``నా మనిషి.. నా సోల్‌మేట్.. నా బెస్ట్ ఫ్రెండ్,.. నా జీవిత ప్రేమ`` అని రాశారు. దాంతో ఊర్వ‌శికి ఝ‌ల‌క్ ఇచ్చిన రిష‌బ్ అంటూ ప్ర‌చార‌మైంది. రిష‌బ్ ని ఊర్వ‌శి అంత‌గా హేట్ చేయ‌డానికి కార‌ణ‌మేంటో తెలిసిందా?