రామ్ RED హిందీ వెర్ష‌న్ హీరో అత‌డే

హీరో రామ్ సంక్రాంతి చిత్రం RED బాక్సాఫీస్ వద్ద ఆశించినంత విజ‌యం సాధించ‌క‌పోయినా ఒక‌ మోస్తరు గా ఆడింది. ఈ చిత్రం 2019 లో విడుదలైన అరుణ్ విజయ్ ప్రశంసలు పొందిన తమిళ థ్రిల్లర్ త‌డం అధికారిక రీమేక్. ఇప్పుడు ఈ చిత్రం బాలీవుడ్ లో రీమేక్ చేయడానికి సిద్ధంగా ఉంది.

హిందీ రీమేక్ లో యువ హీరో ఆదిత్య రాయ్ కపూర్ -తూఫాన్ ఫేం మృణాల్ ఠాకూర్ ప్రధాన పాత్రలు పోషిస్తున్నారు. వర్ధన్ కేత్కర్ దర్శకత్వం వహిస్తున్న ఈ చిత్రాన్ని భూషణ్ కుమార్- మురద్ ఖేతాని నిర్మిస్తున్నారు.

రామ్ ప్రస్తుతం లింగుసామి దర్శకత్వంలో తన తొలి తెలుగు-తమిళ ద్విభాషా చిత్రం షూటింగ్ చేస్తున్నారు. మునుముందు పాన్ ఇండియా కేట‌గిరీలో త‌న‌ని తాను ఆవిష్క‌రించుకునే ప్ర‌య‌త్న‌మే ఇది. త‌దుప‌రి ఏ.ఆర్.మురుగ‌దాస్ ద‌ర్శ‌క‌త్వంలో న‌టించేందుకు రామ్ సీరియ‌స్ గా ట్రై చేస్తున్నార‌ని స‌మాచారం.