రెహమాన్ సినిమాకు యువ రక్తం

సంగీత దిగ్గజం ఏఆర్ రెహమాన్ రచయితగా కొత్త అడుగులు వేస్తున్నారు. తన మ్యూజిక్ తో ప్రపంచవ్యాప్తంగా కోట్లాది అభిమానులను సంపాదించుకున్న ఈ లెజెండ్ త్వరలో తీయబోయే సినిమాను కూడా ఇదే బ్యాక్ డ్రాప్ లో రూపొందించేందుకు రంగం సిద్ధం చేసుకుంటున్నాడు. ఇందులో హీరోగా ఆల్రెడీ ఎస్టాబ్లిష్ అయినవాళ్ళను కాకుండా కొత్త రక్తాన్ని తీసుకొచ్చే ప్లాన్ లో ఉన్నాడు .

ఈ సినిమా టైటిల్ 99 సాంగ్స్. ఇందులో హీరోగా ఎహాన్ భట్ ను ఎంపిక చేసుకున్నాడు రెహమాన్. తనే మ్యూజిక్ ప్లస్ ప్రొడక్షన్ చేస్తున్న రెహమాన్ దీని కోసం రచయితగా మారి స్క్రిప్ట్ కూడా రాశాడు. కాకపొతే దర్శకత్వం మీద అవగాహన లేకపోవడంతో ఆ బాద్యతను మాత్రం విశ్వేశ్ కృష్ణమూర్తికి అప్పగించాడు. జియో స్టూడియోస్ బ్యానర్ పై ఇది రూపొందనుంది

గత కొంత కాలంగా తన స్థాయి మ్యూజిక్ ని ఇవ్వలేకపోతున్న రెహమాన్ ఇటీవలే అవెంజర్స్ ఎండ్ గేమ్ కోసం కంపోజ్ చేసిన స్పెషల్ సాంగ్ మంచి రెస్పాన్స్ తెచ్చుకుంది. ప్రస్తుతం తమిళ్ లో వరస ఆఫర్లతో బిజీగా ఉన్న రెహమాన్ నిన్న సంవత్సరం చిరంజీవి సైరా నుంచి తప్పుకోవడం హాట్ న్యూస్ గా నిలిచింది. స్ట్రెయిట్ తెలుగు మూవీస్ లో ఇప్పటిదాకా సక్సెస్ టేస్ట్ చేయని రెహమాన్ డబ్బింగ్ ఆల్బంస్ తోనే ఇక్కడా అశేష సంఖ్యలో అభిమానులను సంపాదించుకున్నాడు. ఇప్పుడీ 99 సాంగ్స్ మూవీకి కెరీర్ బెస్ట్ ఆల్బం కంపోజ్ చేస్తున్నాడని ఇన్ సైడ్ టాక్