యువ‌హీరో ప‌క్కా ప్లానింగ్ ఏంటో తెలిస్తే అవాక్కే

RX 100 ఫేం కార్తికేయ కెరీర్ జెట్ స్పీడ్ తో పరుగులు పెడుతోంది. వ‌రుస‌గా సినిమాలు చేస్తూ బిజీ స్టార్ గా ఎదుగుతున్నాడు. అసాధార‌ణ ఫిల్మీ బ్యాక్ గ్రౌండ్ లేకుండానే మూడేళ్ల క్రితం లైమ్ లైట్ లోకి వ‌చ్చిన కార్తికేయ కెరీర్ ని బిల్డ్ చేసుకుంటూ ముందుకు సాగుతున్న తీరు ఆశ్చ‌ర్య‌ప‌రుస్తోంది. నేటిత‌రంలో ఫ్లాపులొచ్చినా నిల‌దొక్కుకుంటున్న ప్ర‌తిభావంతుడిగా గుర్తింపును ద‌క్కించుకున్నారు.

`హిప్పీ`.. గుణ‌ 369`.. `గ్యాంగ్ లీడ‌ర్`.. `90 ఎంఎల్` ..` చావుకబురు చ‌ల్ల‌గా` లాంటి సినిమాలు యావ‌రేజ్ ఫ‌లితాల‌తో ఓకే అనిపించాయి. న‌టుడిగా షైన్ అవ్వ‌డానికి ఆ చిత్రాలు దోహ‌దం చేసాయి. ప్ర‌స్తుతం `రాజా విక్క‌మార్క` సినిమాలో న‌టిస్తున్నాడు. ఇదిగాక వ‌రుస‌గా మూడు సినిమాలు లైన్ లో పెట్టినట్లు తెలుస్తోంది. త‌మిళ క్రేజీ సినిమా `వాలిమై`లో ప్ర‌తినాయ‌కుడిగా న‌టిస్తున్నాడు. త‌ళా అజిత్ కి ధీటైన పాత్ర‌లో త‌ల‌ప‌డుతున్నాడ‌ని స‌మాచారం.

`హిప్పీ` సినిమాతో కోలీవుడ్ లో హీరోగా ప‌రిచ‌యమైన యువ‌హీరో ఇప్పుడు ప్ర‌తి నాయ‌కుడిగా న‌టించ‌డం తంబీల్లో ఆస‌క్తిని రేకెత్తిస్తోంది. అలాగే కార్తికేయ ఎన్.ఐ.ఏ ఎజెంట్ గా ఒక సినిమా చేస్తున్నాడు. టాలీవుడ్ అగ్ర నిర్మాణ సంస్థ‌ల్లో ఒక‌టైన యూవీ క్రియేష‌న్స్ లో ఒక సినిమాలోనూ న‌టిస్తున్నాడు. మ‌రో వైపు `క‌ల‌ర్ ఫోటో` చిత్ర నిర్మాత‌ల‌తో ఒక సినిమా క‌మిట్ అయ్యాడు. ఇలా వ‌రుస‌గా మూడు నాలుగు ప్రాజెక్ట్ లు ఉండటంతో యంగ్ హీరో ధీమాగా ఉన్నాడు. అలాగే ఈ సినిమాలన్నింటి కంటెంట్ పైనా అంతే న‌మ్మ‌కంతో ఉన్నాడు. కార్తికేయ గ‌త సినిమాలు కంటెంట్ ప‌రంగా ఫెయిలైనా న‌టుడిగా అత‌డు ఫెయిల‌వ్వ‌లేదు. ఆ ర‌కంగా విమ‌ర్శ‌కుల ప్ర‌శంలందుకున్నాడు. అదీ అత‌డికి ప్ల‌స్.

ఇటీవ‌ల‌ కొత్త ప్రాజెక్ట్ ల విష‌యంలో గ‌త‌ త‌ప్పిదాలు రిపీట్ కాకుండా ప‌క్కా ప్లానింగ్ తో ముందుకెళ్తున్న‌ట్లు తెలిసింది. అయితే తాజా సినిమా ద‌ర్శ‌కులు ఎవ‌రు? కంటెంట్ ఎలాంటింది అన్న వివ‌రాలు ఇంకా బ‌య‌ట‌కు రాలేదు. ప్ర‌స్తుతానికి కార్తికేయ `రాజా విక్ర‌మార్క` పైనే దృష్టి పెట్టిన‌ట్లు తెలుస్తోంది. ఈ సినిమా సెట్స్ లో ఉంది. అయితే సినిమాకు సంబంధించిన అప్ డేట్స్ మాత్రం యూనిట్ ఎక్క‌డా రివీల్ చేయ‌లేదు.