యంగ్ హీరో షాకింగ్ మేకోవ‌ర్!

ఈ మ‌ధ్య చాలా మంది హీరోలు, సీనియ‌ర్ హీరోలు కూడా డిఫ‌రెంట్ మేకోవ‌ర్ తో షాకిస్తున్నారు. త‌మ‌ని తాము కొత్త‌గా ప్ర‌జెంట్ చేసుకోవ‌డానికి క‌ఠోరంగా శ్ర‌మిస్తున్నారు. సిక్స్ ప్యాక్‌, 8 ప్యాక్ బాడీల‌తో స‌రికొత్త మేక‌వ‌ర్ తో మ‌త‌ని తాము మార్చుకుంటూ కొత్త‌గా క‌నిపించ‌డానికి ప్ర‌య‌త్నిస్తున్నారు.

యంగ్ హీరో నందు కూడా కొత్త‌గా క‌నిపించ‌డానికి ప్ర‌య‌త్నాలు చేస్తున్నాడు. శివ నాగేశ్వ‌ర‌రావు రూపొందించిన 'ఫొటో' సినిమాతో హీరోగా ఎంట్రీ ఇచ్చాడు.

హీరోగా న‌టిస్తూనే మ‌ధ్య‌లో స్టార్ హీరోల సినిమాల్లో ప్రాధాన్య‌త వున్న పాత్ర‌ల్లో న‌టిస్తూ వ‌స్తున్నాడు. త‌ను కీల‌క పాత్ర‌లో న‌టించిన 'పెళ్లిచూపులు' వంటి చిత్రాలు బాక్సాఫీస్ వ‌ద్ద భారీ విజ‌యాల్ని సొంతం చేసుకున్నా, జాతీయ స్థాయిలో అవార్డుల్ని ద‌క్కించుకున్నా యంగ్ హీరో నందుకు మాత్రం పెద్ద‌గా గుర్తింపు ని అందించ‌లేక‌పోయాయి.

హీరోగా, స‌పోర్టింగ్ ఆర్టిస్ట్ గా చాలా సినిమాల్లో న‌టించిన నందు హీరోగా గుర్తింపు కోసం గ‌త కొన్నేళ్లుగా ప్ర‌య‌త్నాలు చేస్తున్నాడు. 2020లో నందు న‌టించిన 'స‌వారి' మూవీ విడుద‌లైంది. దీని త‌రువాత నందు హీరోగా మ‌రో సినిమా చేయ‌లేదు.

దాదాపు 18 నెల‌ల త‌రువాత డిఫ‌రెంట్ మేకోవ‌ర్ తో షాకింగ్ ట్రాన్స్ ఫ‌ర్మేష‌న్ తో నందు రెడీ అయ్యాడు. సిక్స్ ప్యాక్ బాడీతో స‌రికొత్త లుక్ లోకి మారిపోయాడు. ఇందుకు సంబంధించిన వీడియో ప్ర‌స్తుతం నెట్టింట వైర‌ల్ గా మారింది. ఐయామ్ బ్యాక్ అంటూ విడుద‌ల చేసిన వీడియోలో నందు స‌రికొత్త మేకోవ‌ర్ తో స్టైలిష్ గా క‌నిపిస్తున్నాడు.

క‌ఠోరంగా శ్ర‌మించి త‌న‌ని తాను కొత్త లుక్ లోకి మార్చుకున్న నందు త్వ‌ర‌లోనే కొత్త ప్రాజెక్ట్ తో రానున్నాడ‌ట‌. ఇదిలా వుంటే రీసెంట్ గా నందు బాలీవుడ్ హీరో ర‌ణ్ వీర్ సింగ్ 'న్యూడ్ ట్రెండ్'లోకి తాను కూడా ఎంట‌ర‌య్యానంటూ సోష‌ల్ మీడియా వేదిక‌గా ఫొటోలు పంచుకున్న విష‌యం తెలిసిందే. విండో ప‌క్క‌నే నిల‌బ‌డి ట‌ర్కీ ట‌వ‌ల్ అడ్డుపెట్టుకుని న్యూడ్ ఛాలెంజ్ కి నేనూ రెడీ అంటూ ఫొటోలు షేర్ చేయ‌డంతో అవి నెట్టింట వైర‌ల్ అయ్యాయి.