అమ్మాయి గురించి ఏమ‌ని చెబుతాడో?

యంగ్ హీరో సుధీర్ బాబు కెరీర్ దేదీప్య‌మానంగా సాగిపోతుంది. ల‌వ‌ర్ బోయ్ ఇమేజ్ తో అవకాశాలు అందుకుంటూ జ‌ర్నీ సాగిస్తున్నాడు . రొటీన్ కి భిన్న‌మైన ప్రేమ క‌థ‌ల‌తో ప్రేక్ష‌కుల్ని ఆక‌ట్టుకునే ప్ర‌య‌త్నం ప్రశంస‌నీయమే. మ‌ధ్య‌మ‌ధ్య‌లో బాలీవుడ్ ని సైతం ట‌చ్ చేస్తూ త‌న‌లో యాక్ష‌న్ యాంగిల్ ని హైలైట్ చేస్తున్నాడు. ఇమేజ్ అనే చ‌ట్రంలో ఇరుకొక్కుండా కెరీర్ని బ్యాలెన్స్ గా న‌డిపిస్తున్నాడు.

ప్ర‌స్తుతం ఇంద్రగంటి మోహ‌న్ కృష్ణ ద‌ర్శ‌క‌త్వంలో తెర‌కెక్కుతోన్న 'ఆ అమ్మాయి గురించి మీకు చెప్పాలి' అనే సినిమా చేస్తోన్న సంగ‌తి తెలిసిందే. ఇప్ప‌టికే రిలీజ్ అయిన ప్ర‌చార చిత్రాలతో సినిమాకి మంచి బ‌జ్ క్రియేట్ అయింది. అటుపై రిలీజ్అ యిన ట్రైల‌ర్ మ‌రింత ఆస‌క్తిని రేకెత్తించింది. ఇంద్ర‌గంటి మార్క్ రొమాంటిక్ ఎంట‌ర్ టైన‌ర్ గా హైలైట్ అవుతోంది.

సుధీర్ బాబు-కృతిశెట్టి జోడీ ప్రేక్ష‌కుల్ని మెప్పించేలా క‌నిపిస్తుంది. మ‌రి ఆ అంచ‌నాల్ని ఈ జోడీ అందుకుంటుందా? లేదా? అన్న‌ది తెలియాలంటే సెప్టెంబ‌ర్ 16 వ‌ర‌కూ వెయిట్ చేయాల్సిందే. తాజాగా సినిమా సెన్సార్ ప‌నులు కూడా పూర్తి చేసుకుంది.

ఆ సంద‌ర్భాన్ని పుర‌స్క‌రించుకుని ఓ కొత్త పోస్ట‌ర్ పై సెన్సార్ వివ‌రాలు రివీల్ చేసారు. సెన్సార్ టీమ్ నుంచి U/A ప‌ట్టా పొందింది.

సెన్సార్ టాక్ ఎలా ఉంద‌న్న‌ది తెలియాలి. ఇక పోస్ట‌ర్ క్ర‌కేజీగా డిజైన్ చేసారు. సినిమా బాక్సుల‌పై సుదీర్ బాబు కుర్చుని మైక్ ప‌ట్టుకుని ఆ అమ్మాయి గురించి మీకు చెప్పాలి అనే దానికి జ‌స్ట్ ఫికేష‌న్ ఈ ర‌కంగా ఇచ్చిన‌ట్లు క‌నిపిస్తుంది. ఏం చెబుతాడు? అన్న‌ది సినిమా చూస్తే తెలుస్తుంది. ఇక కృతిశెట్టి రెడ్ క‌ల‌ర్ దుస్తుల్లో క‌వ్విస్తుంది.

పెదాల‌పై స‌న్న‌ని చిరు న‌వ్వు ఒలికిస్తూ హాట్ అప్పీరియ‌న్స్ లో క‌నిపిస్తుంది. మ‌రి ఈ రొమాంటిక్ పెయిర్ తెర‌పై ఎలా ఆక్టుకుంటుందో చూడాలి. ఈ చిత్రాన్ని గాజులపల్లె సుధీర్ బాబు సమర్పణలో బెంచ్‌మార్క్ స్టూడియోస్- మైత్రీ మూవీ మేక‌ర్స్ సంయుక్తంగా నిర్మిస్తున్నాయి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.