మీసానికి మద్దతు ఇచ్చిన కుర్ర హీరోలు

యువ కథానాయకుడు శ్రీవిష్ణు నటించిన 'తిప్పరా మీసం' ఈరోజే ప్రేక్షకుల ముందుకు వచ్చింది. కృష్ణ విజయ్ దర్శకత్వంలో తెరకెక్కిన ఈ సినిమా ఇంటెన్స్ ప్రోమోస్ తో ప్రేక్షకుల్లో ఇంట్రెస్ట్ క్రియేట్ చేసింది. శ్రీవిష్ణు విభిన్న కథాంశాలు ఎంచుకుంటూ సినిమాలు చేసే హీరో కావడంతో ఈ సినిమా కూడా డిఫరెంట్ గా ఉంటుందనే అభిప్రాయం వ్యక్తం అవుతోంది.

ఇక ఈ సినిమా రిలీజ్ సందర్భంగా పలువురు టాలీవుడ్ యువహీరోలు శ్రీవిష్ణుకు అల్ ది బెస్ట్ చెప్తూ మద్దతు ప్రకటించడం విశేషం. వరుణ్ తేజ్ తన ట్విట్టర్ ఖాతా ద్వారా "#తిప్పరా మీసం విడుదల సందర్భంగా శ్రీవిష్ణుకు అల్ ది బెస్ట్. ట్రైలర్ చాలా ఇంట్రెస్టింగ్ గా ఉంది. టీమ్ అందరికీ గుడ్ లక్" అంటూ ట్వీట్ చేశారు. మరో మెగా హీరో సాయి ధరమ్ తేజ్ తన ట్విట్టర్ ఖాతా ద్వారా 'తిప్పరా మీసం టీమ్ అందరికీ అల్ ది బెస్ట్. ట్రైలర్ చాలా రా.. రస్టిక్ గా ఉంది. ఇంటెన్స్ నటనతో ఆసక్తి కలిగించేలా ఉంది. మీరు ప్రేక్షకులనుండి ఆదరణ దక్కించుకుంటారని భావిస్తున్నాను' అంటూ ట్వీట్ చేశారు.

మెగా హీరోలు మాత్రమే కాకుండా మరికొందరు యువ హీరోలు కూడా శ్రీవిష్ణు సినిమాకు అభినందనలు తెలిపారు. శ్రీవిష్ణు క్లోజ్ ఫ్రెండ్ నారా రోహిత్ కూడా 'తిప్పరా మీసం' సినిమా విజయం సాధించాలని కోరుతూ ఆల్ ది బెస్ట్ చెప్పారు. మరి టాలీవుడ్ లో ఇంతమంది యువహీరోల బెస్ట్ విషెస్ తో 'తిప్పరా మీసం' సినిమా నిజంగా బాక్స్ ఆఫీస్ దగ్గర మీసం తిప్పుతుందేమో వేచి చూడాలి.