యంగ్ టైగర్ 'ఈద్' ఫెస్టివల్ స్పెషల్ గ్రీటింగ్స్..!

టాలీవుడ్ యంగ్ టైగర్ ఎన్టీఆర్ సినిమాలతో ఎంత బిజీగా ఉన్నప్పటికీ ఫెస్టివల్స్ వచ్చినప్పుడు అభిమానులకు విషెస్ మాత్రం తప్పకుండా తెలియజేస్తాడు. తాజాగా ఈద్ ఫెస్టివల్ సందర్బంగా సోషల్ మీడియాలో అభిమానులకు శ్రేయోభిలాషులకు శుభాకాంక్షలు తెలిపాడు. అయితే ప్రస్తుతం ఎన్టీఆర్ కరోనా బారినపడి ఐసొలేషన్ లో ఉన్నాడు. అందుకే సోషల్ మీడియా వేదికగా తన ఆరోగ్యం గురించి కూడా చెప్పుకొచ్చాడు. 'అందరికి ఈద్ శుభాకాంక్షలు. అలాగే మీ స్పెషల్ గ్రీటింగ్స్ అండ్ ప్రేయర్లకు థాంక్యూ. నేను ప్రస్తుతం బాగానే ఉన్నాను. త్వరలోనే నెగటివ్ వస్తుందని నమ్మకంతో ఉన్నాను. అందరు జాగ్రత్తగా ఉండాలని తెలిపాడు.

ఎన్టీఆర్ ఎలాంటి పరిస్థితిలో ఉన్నా విష్ చేసేందుకు ముందే ఉంటాడు. ప్రస్తుతం ఎన్టీఆర్ త్వరగా కరోనా నుండి బయటపడాలని ఫ్యాన్స్ ఆశిస్తున్నారు. ఇదిలా ఉండగా.. ఎన్టీఆర్ ఇప్పుడు దర్శకధీరుడు రాజమౌళి దర్శకత్వంలో ఆర్ఆర్ఆర్ సినిమా చేస్తున్న సంగతి తెలిసిందే. పీరియడిక్ ఫిక్షన్ డ్రామాగా తెరకెక్కుతున్న ఈ పాన్ ఇండియా సినిమాలో ఎన్టీఆర్.. ఫ్రీడమ్ ఫైటర్ కొమరం భీమ్ పాత్రలో కనిపించనున్నాడు. ఇప్పటికే చివరిదశకు చేరుకున్న ఆర్ఆర్ఆర్ షూటింగ్ కరోనా కారణంగా నిలిచిపోయింది. ఈ విధంగా మేకింగ్ లేట్ అవుతుందని సినిమా విడుదలను వచ్చే ఏడాదికి పోస్టుపోన్ చేశారు మేకర్స్.

అయితే ఆర్ఆర్ఆర్ సినిమా తర్వాత ఎన్టీఆర్ - స్టార్ డైరెక్టర్ కొరటాల శివ కాంబినేషన్ లో సెకండ్ మూవీ రాబోతుంది. ఇప్పటికే అధికారికంగా ప్రకటించిన ఈ సినిమా స్క్రిప్ట్ దశలో ఉందని సమాచారం. ఆర్ఆర్ఆర్ సినిమాతో ఎన్టీఆర్ పాన్ ఇండియా స్థాయిలో హీరోగా పరిచయం కాబోతున్నాడు. అందుకే ఎన్టీఆర్ ఇమేజ్ దృష్టిలో పెట్టుకొని కొరటాల స్క్రిప్ట్ సిద్ధం చేస్తున్నట్లు సమాచారం. అయితే ఎన్టీఆర్ తన ఆరోగ్యం పట్ల ఫ్యాన్స్ ఎలాంటి టెన్షన్ తీసుకోవద్దని ఇదివరకే సోషల్ మీడియాలో చెప్పాడు. ప్రస్తుతం ఎన్టీఆర్ నుండి ఎప్పుడెప్పుడు నెగటివ్ న్యూస్ వస్తుందో అని వెయిట్ చేస్తున్నారు. ప్రస్తుతం ఎన్టీఆర్ ఈద్ శుభాకాంక్షలు సోషల్ మీడియాలో వైరల్ అవుతోంది.