'ట్విట్టర్'లో క్రేజీ ఫీట్ అందుకున్న యంగ్ టైగర్..!

ఈ మధ్యకాలంలో సోషల్ మీడియా అనేది మనిషి జీవితంలో ఎంత ప్రాముఖ్యత సంతరించుకుందో అందరికి తెలిసిందే. దేశంలో సామాన్యుల నుండి సెలబ్రిటీల వరకు సోషల్ మీడియా అనేది వారి సన్నిహితులకు లేదా సినీ సెలబ్రెటీలు వారి అభిమానులకు దగ్గరయ్యేందుకు మంచి మార్గంలా మారింది. ముఖ్యంగా అభిమాన సెలబ్రిటీల గురించి తెలుసుకునేందుకు ఎల్లప్పుడూ ఉత్సాహం చూపిస్తారు అభిమానులు. అందుకే సెలబ్రిటీలు వ్యక్తిగత విషయాలతో పాటు వారి సినిమాలకు సంబంధించిన విషయాలు అభిమానులతో షేర్ చేసుకుంటూ రోజురోజుకి ఫాలోవర్ల సంఖ్యను పెంచుకుంటూనే ఉన్నారు. అయితే టాలీవుడ్ యంగ్ టైగర్ ఎన్టీఆర్ సోషల్ మీడియాలో ఎంత యాక్టివ్‌గా ఉంటాడో విదితమే.

ఎన్టీఆర్ చెప్పాలనుకున్న విషయాలను, తన సినిమా విశేషాలను అభిమానులతో పాటు ఫాలోవర్స్ తో ఎప్పటికప్పుడు ట్విట్టర్ ద్వారా పంచుకుంటూ ఉంటాడు. అయితే కొన్నేళ్లుగా యంగ్ టైగర్ ట్విట్టర్ అకౌంట్‌ను ఉపయోగిస్తున్నాడు. ఇన్నేళ్లుగా ఎన్టీఆర్ ఫాలోవర్ల సంఖ్య అమాంతం పెరుగుతూనే ఉంది. తాజాగా ఈ నందమూరి హీరో ఓ అరుదైన రికార్డు క్రియేట్ చేశాడు. అదేంటంటే.. ఇప్పటివరకు ట్విట్టర్ వేదికగా 5 మిలియన్స్ ఫాలోయర్స్ కలిగిన టాలీవుడ్ సెలబ్రిటీస్ లిస్టులో చేరాడు. తాజాగా ఎన్టీఆర్ ఈ 5 మిలియన్స్ మార్క్ డాటడంతో అటు నందమూరి అభిమానులు ఇటు నేటిజన్లు ఆనందం వ్యక్తం చేస్తున్నారు. అయితే ఎన్టీఆర్ కంటే ముందే ఈ మార్క్ దాటిన టాలీవుడ్ సెలబ్రిటీలు ఉన్నారు.

అందులో మొదటగా సూపర్ స్టార్ మహేష్ బాబు.. 11.4 మిలియన్స్ ఫాలోయింగ్ కలిగి ఉండగా.. 6.2 మిలియన్స్ ఫాలోయింగ్ తో సెకండ్ పోసిషన్ లో కింగ్ నాగార్జున.. అదే 6.2 మిలియన్స్ తో దగ్గుబాటి రానా.. ఇంకా మూడో స్థానంలో స్టైలిష్ స్టార్ అల్లు అర్జున్ 5.8 మిలియన్స్ ఫాలోయింగ్ కలిగి ఉన్నాడు. ఇప్పుడు ఎన్టీఆర్ 5 మిలియన్స్ క్లబ్ లో చేరాడు. ఇదిలా ఉండగా.. ఎన్టీఆర్ ప్రస్తుతం రాజమౌళి దర్శకత్వంలో పాన్ ఇండియా మల్టీస్టారర్ ఆర్ఆర్ఆర్ సినిమాలో నటిస్తున్నాడు. ఈ సినిమాతో ఎన్టీఆర్ పాన్ ఇండియా వైడ్ పరిచయం కాబోతున్నాడు. ఈ సినిమా తర్వాత ఎన్టీఆర్ కొరటాల శివ దర్శకత్వంలో ఓ సినిమా చేయనున్నాడు. మొత్తానికి ఇకపై ఎన్టీఆర్ పాన్ ఇండియా సినిమాలే చేయనున్నాడని అర్ధమవుతుంది. ప్రస్తుతం ఎన్టీఆర్ ట్విట్టర్ లో 5మిలియన్ మార్క్ చేరినందుకు ఫ్యాన్స్ ఖుషీ అవుతున్నారు.