యూత్ స్టార్ Vs మ‌హాన‌టి! న‌మ్మ‌కం నిల‌బెడ‌తారా?

యూత్ స్టార్ నితిన్ - కీర్తి సురేష్ జంట‌గా వెంకీ కుడుముల ద‌ర్శ‌క‌త్వంలో సితార ఎంట‌ర్ టైన్ మెంట్స్ నిర్మించిన‌ `రంగ్ దే` మార్చి 26న ప్ర‌పంచ‌వ్యాప్తంగా థియేటర్లలోకి వ‌స్తోంది. నాయ‌కానాయిక‌లు ప్ర‌చారంలో ఎక్క‌డా త‌గ్గ‌డం లేదు. సోష‌ల్ మీడియాల్లో నితిన్ - కీర్తి బృందం బోలెడంత ఫ‌న్ క్రియేట్ చేస్తూ ప్ర‌చారంలో దూసుకుపోతున్నారు. ఆన్ లొకేష‌న్ ఉన్న‌ప్పుడే న‌టీన‌టులు క్రియేటివ్ గా ఈ చిత్రానికి ప్ర‌చారం చేశారు. ఇక‌పైనా అదే ఒర‌వ‌డితో ప్ర‌చారం హోరెత్తిస్తున్నారు.

చాలా ముందుగానే ప్ర‌చారం ప్రారంభించి నిరంత‌రం అభిమానుల‌కు ట‌చ్ లో ఉంటున్న‌ తార‌ల సంద‌డిపై ప్ర‌శంస‌లు కురుస్తున్నాయి. నితిన్ - కీర్తి సురేష్ జంట ట్విట్టర్ ‌లో ఒకరినొకరు ఆటపట్టించడం ఫ‌న్నీ కౌంట‌ర్లు వేయ‌డం ప్ర‌తిదీ యువ‌త‌రంలో వైర‌ల్ అయిపోతున్నాయి.

ఇప్ప‌టికే పోస్ట‌ర్లు టీజ‌ర్ ప్ర‌తిదీ ఆస‌క్తిని పెంచాయి. ఏమిటో ఇది.. సాంగ్ చార్ట్ బ‌స్ట‌ర్ గా నిలిచింది. ఇవ‌న్నీ సినిమాకి అద‌న‌పు అస్సెట్ కానున్నాయి. ఆఫ్ ద స్క్రీన్ రొమాన్స్ బాగానే వ‌ర్క‌వుటైంది. ఆన్ ద స్క్రీన్ రొమాన్స్ కూడా నితిన్ - కీర్తి న‌డుమ అంతే పెద్ద‌గా వ‌ర్క‌వుట‌వుతుంద‌నే అభిమానులు అంచ‌నా వేస్తున్నారు. ఇక యూత్ స్టార్ ని మ‌హాన‌టిని న‌మ్మినందుకు ఏం చేస్తారో చూడాల్సిందేన‌న్న చ‌ర్చా అభిమానుల్లో సాగుతోంది.

రంగ్ దే థియేట్రికల్ ట్రైలర్ లాంచ్ ఈవెంట్ కర్నూలులో జ‌ర‌గ‌నుంది. అటు ఆంధ్రా స‌హా ఇటు తెలంగాణ‌.. రాయ‌ల‌సీమ‌లోనూ ప్ర‌చారం ప‌రంగా ఈవెంట్ల‌ను నిర్వ‌హిస్తోంది చిత్ర‌బృందం. భీష్మ త‌ర్వాత మ‌రో హిట్ కొట్టేందుకు నితిన్ చేయాల్సిందంతా చేస్తున్నారు.