ఫన్నీ వీడియోతో 'రంగ్ దే' ప్రమోషన్స్ స్టార్ట్ చేసిన యూత్ స్టార్..!

యూత్ స్టార్ నితిన్ - కీర్తి సురేష్ జంటగా నటిస్తున్న రొమాంటిక్ ఫ్యామిలీ ఎంటర్టైనర్ ''రంగ్ దే''. వెంకీ అట్లూరి దర్శకత్వం వహిస్తున్న ఈ చిత్రాన్ని సూర్య‌దేవ‌ర నాగ‌వంశీ నిర్మిస్తున్నాడు. ఇప్పటికే ఈ చిత్రం నుంచి విడుదలైన టీజర్ - సాంగ్స్ మంచి స్పందన తెచ్చుకున్నాయి. మార్చి 26న 'రంగ్ దే' ను ప్రేక్షకుల ముందుకు తీసుకొస్తున్నారు. అయితే రిలీజ్ డేట్ దగ్గర పడుతున్నా చిత్ర యూనిట్ ప్రమోషన్స్ గట్టిగా చేయడం లేదని సోషల్ మీడియాలో ఫ్యాన్స్ ప్రశ్నిస్తున్నారు. ఈ నేపథ్యంలో ఓ ఫన్నీ వీడియోతో నితిన్ 'రంగ్ దే' కు సంబంధించిన అప్డేట్స్ ఇస్తూ ప్రమోషన్స్ స్టార్ట్ చేశారు.

ఈ వీడియోలో హాస్య నటులు సుహాస్ - అభినవ్ ఇద్దరూ 'రంగ్ దే' సినిమా మరో వారంలో రిలీజ్ అవుతున్నా ఇంతవరకు 'ట్రైలర్ లేదు? పబ్లిసిటీ లేదు? అప్డేట్ లేదు?' అంటూ హీరో నితిన్ కు కాల్ చేశారు. దీనికి నితిన్ సమాధానం చెప్తూ మార్చి 19న కర్నూల్ లో ట్రైలర్ లాంచ్.. మార్చి 21న హైదరాబాద్ లో ప్రీ రిలీజ్ ఈవెంట్.. మార్చి 24న రాజమండ్రిలో గ్రాండ్ రిలీజ్ ఈవెంట్ ప్లాన్ చేసినట్లు వెల్లడించారు. అంటే రేపటి నుంచి కోస్తాంధ్ర రాయలసీమ తెలంగాణ ప్రాంతాలను కవర్ చేస్తూ 'రంగ్ దే' పబ్లిసిటీ షురూ చేయబోతున్నారన్నమాట. ఈ చిత్రానికి రాక్ స్టార్ దేవిశ్రీప్రసాద్ సంగీతం సమకూరుస్తుండగా.. పీసీ శ్రీరామ్ సినిమాటోగ్రఫీ అందించారు. ఈ చిత్రంలో సీనియర్ నరేష్ - వినీత్ - రోహిణి - కౌసల్య - బ్రహ్మాజీ - వెన్నెల కిషోర్ - సత్యం రాజేష్ - అభినవ్ గోమటం - సుహాస్ - గాయత్రి రఘురామ్ తదితరులు ఇతర పాత్రల్లో నటించారు.