ఆ విషయంలో 'యాత్ర' సక్సెస్ అవుతుందా?

స్వర్గస్తులైన నాయకుల బయోపిక్స్ ఇప్పుడు టాలీవుడ్ లో సరికొత్త ట్రెండ్ గా మారింది. మొన్న సంక్రాంతి సంధర్భంగా ఎన్టీఆర్ బయోపిక్ ప్రేక్షకుల ముందుకు రాగా, నిన్న 'యాత్ర' పేరుతో వైఎస్ ఆర్ బయోపిక్ ప్రేక్షకుల ముందుకు వచ్చి - ప్రేక్షకుల నీరాజనాలు అందుకుంటుంది. అయితే సినిమా సక్సెస్ మాట పక్కన పెడితే - ఈ సినిమా గురించి ఇప్పుడు ప్రేక్షకుల్లోనే కాదు - అటు రాజకీయ వర్గాల్లో కూడా భారీ చర్చ నడుస్తుంది. అదేంటి అంటే. యాత్ర 'సక్సెస్' రేపు రాబోయే ఎన్నికల్లో ఎలాంటి ప్రభావం చూపిస్తుంది అని.

నిజమే...అటు రాజకీయ, ఇటు సినిమా వర్గాల ప్రకారం ఈ సినిమా ప్రభావం వచ్చే ఎన్నికల్లో చాలా బలమైన ప్రభావం చూపిస్తుంది అని తెలుస్తుంది. దానికి గల కారణాలు ఏంటి అంటే, దీన్ని సినిమాగా కంటే వైఎస్ ఆర్ యాత్రలో భాగంగా ఆయన ప్రజల కోసం ఆలోచించిన విధానాన్ని - ప్రజల ఇబ్బందులను దృష్టిలో ఉంచుకుని ఆయన తీసుకువచ్చిన సంస్కరణలని స్పష్టంగా చూపించారు. అంతేకాదు ఈ సినిమా కొన్ని డైలాగ్స్ అయితే ఖచ్చితంగా ప్రేక్షకుల మనసుల్లోకి చొచ్చుకు పోయేలా ఉన్నాయి. వైఎస్ ఆర్ గురించి చాలా మందికి తెలియని ఎన్నో భావోద్వేగాలను ఈ సినిమాలో స్పష్టంగా చూపించారు. 2009 ఎలా అయిన అయితే తెచ్చిన సంస్కరణలకు ప్రజలు పట్టం కట్టారో - అదే విధంగా ఈ సారి మళ్లీ ఆయన్ని గుర్తు చేసుకుంటూ ప్రజలు జగన్ వెనుక నిలుస్తారు అని చెప్పవచ్చు.

అసలే ఎన్నికల వ్యవహారం నువ్వా-నేనా అన్నట్లుగా ఉంది. మరో పక్క జగన్ కూడా తన పాదయాత్రతో ప్రజల్లోకి దూసుకు పోయారు. అన్నీ అనుకున్నట్లుగా జరిగితే, ఈ సినిమా ఎఫెక్ట్ కూడా ప్రజల్లో ఉంటే మాత్రం జగన్ అనుకున్న స్థాయిని చేరుకోవడం పెద్ద కష్టం ఏమీ కాదు అని చెప్పవచ్చు. చూద్దాం మరి ప్రజలు 2019 ఎన్నికల సంగ్రామానికి ఎలాంటి ఫలితాన్ని అందిస్తారో.