జాలీమా.. మస్త్ లగ్ రహా హై

రిలీజ్ డేట్ దగ్గర పడే కొద్దీ కొత్త సినిమాల ప్రోమోస్.. సాంగ్ టీజర్ల హాడావుడి పెరిగిపోతుంది. టాలీవుడ్లోనే కాదు.. బాలీవుడ్లోనూ ఇదే సందడి. ఇక రిపబ్లిక్ డేకి రాబోతున్న తన కొత్త మూవీ రయీస్ కి సంబంధించిన ప్రమోషన్స్ హీట్ పెంచిన షారూక్ ఓ జాలీమా అనే రొమాంటిక్ ట్రాక్ ని తన సోషల్ మీడియా అకౌంట్ ద్వారా రిలీజ్ చేశాడు. కొత్త పాట అందరికి నచ్చుతుందని ఆశిస్తున్నా అంటూ మెసేజ్ కూడా పెట్టాడు.

బ్లాక్ కలర్ పఠానీ సల్వార్ కమీజ్ లో డాషింగ్ లుక్స్ తో చంపేశాడు షారూక్ ఖాన్. ఏజ్ పెరుగుతున్నప్పటికీ షారూక్ లో హాట్ నెస్ అస్సలు తగ్గలేదు. కింగ్ ఖాన్- పాకిస్తాన్ బ్యూటీ మహీరా ఖాన్ మధ్య రొమాంటిక్ కెమిస్ట్రీ పండినప్పటికీ.. విడిగా చూస్తే మహీరా ఖాన్ పెద్ద గొప్పగా ఏమీ అనిపించట్లేదు. షారూక్ ముందు ఓ రకంగా మహీరా తేలిపోయిందనే అనాలి. ఈ మాత్రం అందానికే పాక్ నుండి డౌనలోడ్ చేశారా బాబులూ అంటూ జనాలు అందుకే సెటైర్లు వేస్తున్నారు కూడా.

ఇక ఓ జాలీమా పాటకి ప్రాణం పోశాడు సింగర్ అర్జిత్ సింగ్. ఈ పాట 2017లో వన్ ఆఫ్ ద బెస్ట్ రొమాంటిక్ సాంగ్ గా నిల్చిపోవడం గ్యారంటీ అంటున్నారు మ్యూజిక్ లవర్స్. ఇప్పటికే సన్నీలియోన్ స్టెప్సేసిన లైలా మే లైలా సాంగ్ కి క్లిక్స్ మీద క్లిక్స్ పడిపోతున్నాయ్. అలాంటిది కొన్నేళ్ల తర్వాత షారూక్ రొమాంటిక్ మూడ్ లో కనిపించాడు. సో ఇక ఎక్కడ చూసినా జాలీమా సాంగే వినిపిస్తుందేమో.



Like Us on Facebook : https://www.facebook.com/Tupakidotcom/