బొద్దే ముద్దు.. హద్దే లేదు...

సావిత్రి - జెమున, వాణిశ్రీ - లక్ష్మి, రాధిక - రాధ, ఖుష్బూ - సౌందర్య వీళ్లెవరూ జీరోసైజ్‌ లో లేరే. బొద్దుగా ఉంటూనే నటనలో నెగ్గుకొచ్చారు. ఆరోజుల్లో అసాధారణ ప్రతిభతో ఆకట్టుకున్న నటీమణులు వీళ్లంతా. నవతరంలో సన్నజాజి రెమ్మలే ఎక్కువ.

కానీ అప్పుడప్పుడు ఆ రూల్‌ ని బ్రేక్‌ చేస్తూ ఇప్పటికీ బొద్దుగుమ్మలు టాలీవుడ్‌, బాలీవుడ్‌ లో వస్తూనే ఉన్నారు. టాలీవుడ్‌ వరకూ పరిశీలిస్తే నమిత - రాశిఖన్నా - నిత్యామీనన్‌ - హన్సిక వంటి స్టార్లు బొద్దుగా కనిపిస్తూనే ప్రతిభతో కెరీర్‌ లో దూసుకుపోయారు.

ఓ మారు బాలీవుడ్‌ ని పరిశీలిస్తే ఇప్పటికే స్టార్‌ డమ్‌ ని ఆస్వాధిస్తున్న తారల్లో విద్యాబాలన్‌ - సోనాక్షి సిన్హా - హ్యూమా ఖురేషి ఇంతమంది నాయికలు హవా సాగిస్తున్నారక్కడ. దేనికైనా ప్రతిభే కొలమానం. జీరోసైజ్‌ లో కనిపిస్తేనే ఛాన్సులొస్తాయి అనుకుంటూ మూర్ఖత్వం అని ఈ నాయికలంతా నిరూపిస్తున్నారు. బొద్దే ముద్దు, హద్దే లేదు అని ఒప్పుకోవాల్సిందే.