బుట్టబొమ్మతోనే 'జిందగీ' అంటున్న మోస్ట్ ఎలిజిబుల్ బ్యాచిలర్..!

అక్కినేని అఖిల్ నటిస్తున్న లేటెస్ట్ మూవీ ''మోస్ట్ ఎలిజిబుల్ బ్యాచిల‌ర్''. ఈ రొమాంటిక్ ఎంటర్టైనర్ లో అఖిల్ కు జోడీగా పూజాహెగ్డే నటిస్తోంది. 'బొమ్మరిల్లు' భాస్కర్ ఈ చిత్రానికి దర్శకత్వం వహిస్తున్నాడు. అల్లు అరవింద్ సమర్పణలో గీతా ఆర్ట్స్2 బ్యానర్‌ పై బన్నీ వాస్ - వాసు వర్మ కలిసి ఈ సినిమాని నిర్మిస్తున్నారు. ఇప్పటికే వదిలిన ప్రచార చిత్రాలు మరియు 'మనసా మనసా' 'గుచ్చే గులాబీ' పాటలు విశేష స్పందన తెచ్చుకున్నాయి. ఈ క్రమంలో మరో సాంగ్ ని రిలీజ్ చేయడానికి చిత్ర బృందం రెడీ అయింది.

సంగీత దర్శకుడు గోపీ సుందర్‌ స్వరపరిచిన 'ఏ జిందగీ' అనే పాట లిరికల్ వీడియోను ఏప్రిల్ 5న విడుదల చేయనున్నట్లు మేకర్స్ ప్రకటించారు. ఈ సందర్భంగా వదిలిన బ్యూటిఫుల్ పోస్టర్ ఆకట్టుకునేలా ఉంది. ఇందులో అఖిల్ - పూజా హెగ్డే ఇద్దరూ సైక్లింగ్ చేస్తూ కనిపిస్తున్నారు. ఈ చిత్రానికి ప్రదీశ్ వర్మ సినిమాటోగ్రఫీ అందిస్తుండగా.. మర్యాన్డ్6కె వెంకటేష్ ఎడిటింగ్ బాధ్యతలు నిర్వర్తిస్తున్నారు. కరోనా కారణంగా లేట్ అవుతూ వచ్చిన 'మోస్ట్ ఎలిజిబుల్ బ్యాచిలర్' జూన్‌ 19న ప్రేక్షకుల ముందుకు రానుంది.