'జాంబీ రెడ్డి' బిగ్ బైట్ వచ్చేస్తోంది..!

'అ!' ఫేమ్ ప్రశాంత్ వర్మ దర్శకత్వంలో ''జాంబీ రెడ్డి'' అనే వైవిధ్యమైన చిత్రం తెరకెక్కుతున్న సంగతి తెలిసిందే. జాంబీ కాన్సెప్ట్ తో వస్తున్న ఈ చిత్రంతో బలనటుడిగా పేరు తెచ్చుకున్న తేజ సజ్జ హీరోగా పరిచయం అవుతున్నాడు. ఇందులో ఆనంది - దక్ష హీరోయిన్లుగా నటించారు. మొదటి నుంచి ఈ సినిమాపై ఆసక్తిని రెట్టింపయ్యేలా ప్రచార కార్యక్రమాలు నిర్వహిస్తున్న చిత్ర యూనిట్ 'జాంబీ రెడ్డి' బిగ్ బైట్ అంటూ ట్రైలర్ ని విడుదల చేయడానికి సన్నాహాలు చేస్తున్నారు. కొత్త సంవత్సరాన్ని పురస్కరించుకుని న్యూ ఇయర్ న్యూ రూల్స్ అంటూ కొత్త పోస్టర్ ని విడుదల చేస్తూ ఈ విషయాన్ని వెల్లడించారు.

ఈ పోస్టర్ లో హీరో తేజ సజ్జా చేతిలో గద పట్టుకొని ఉండగా.. ఆనంది త్రిసూలం మరియు దక్ష గన్ పట్టుకొని జాంబీలతో పోరాటానికి సిద్ధమైనట్లు కనిపిస్తున్నారు. జాంబీల కాన్సెప్ట్ తో మొట్ట మొదటి తెలుగు చిత్రంగా వస్తున్న ఈ చిత్రం నుంచి రేపు శనివారం ట్రైలర్ ని రిలీజ్ చేస్తున్నట్లు మేకర్స్ ప్రకటించారు. యంగ్ రెబల్ స్టార్ ప్రభాస్ ఈ ట్రైలర్ ని విడుదల చేసే అవకాశం ఉంది. కాగా, కర్నూల్ బ్యాక్ డ్రాప్ లో ఈ ఫిక్ష‌న‌ల్ జాంబీ సినిమా రూపొందింది. ఈ చిత్రానికి స‌్క్రిప్ట్స్‌ విల్లే స్క్రీన్‌ ప్లే అందిస్తుండగా.. సాయిబాబు ఎడిటర్ గా వ్యవహరిస్తున్నారు. మార్క్ కె రాబిన్ సంగీతం సమకూరుస్తున్నాడు. ఆపిల్ ట్రీ బ్యానర్ పై రాజశేఖర్ వర్మ 'జోంబీ రెడ్డి' చిత్రాన్ని నిర్మిస్తున్నారు. ప్రస్తుతం పోస్ట్ ప్రొడక్షన్ కార్యక్రమాలు జరుపుకుంటున్న ఈ చిత్రాన్ని త్వరలోనే ప్రేక్షకుల ముందుకు తీసుకురానున్నారు.