ఫోటో స్టోరి: 'నా సామిరంగ' ఆషిక బోల్డ్ లుక్

కన్నడ సినీరంగంలో వ‌రుస విజ‌యాల‌తో దూసుకుపోతున్న న‌టి అషికా రంగనాథ్. మాధగాజా- క్రేజీ బాయ్ వంటి చిత్రాలలో అద్భుతమైన నటనతో మెప్పు పొందింది. 'ఓ 2' అనే ప్ర‌యోగాత్మ‌క చిత్రంతో అభిమానుల‌ను ఆక‌ట్టుకుంది. ఏప్రిల్ లో విడుద‌లైన ఈ చిత్రం క‌న్న‌డ ప్రేక్ష‌కుల‌ను ఆక‌ట్టుకుంది. ఈ చిత్రంలో ఆషిక న‌ట‌న‌కు మంచి పేరొచ్చింది. అతీంద్రియ కామెడీ థ్రిల్లర్ చిత్రం అవతార పురుష పార్ట్ 2 లోను కనిపించింది. ఈ చిత్రాన్ని సుని దర్శకత్వం వహించ‌గా, పుష్కర మల్లికార్జునయ్య తన బ్యానర్ పుష్కర్ చిత్రాలయ‌ క్రింద నిర్మించారు. ఇది 2022 చిత్రం అవతారా పురుషుషా పార్ట్ 1: అస్టాడిగ్‌బండనమదలకం సీక్వెల్.

కింగ్ నాగార్జున‌, అల్ల‌రి న‌రేష్, రాజ్ త‌రుణ్ న‌టించిన నా సామిరంగ‌లోను ఆషిక రంగనాథ్ అద్భుత‌మైన న‌ట‌న‌, విజువ‌ల్ అప్పియ‌రెన్స్ క‌ట్టి ప‌డేసాయి. ఇంత‌లోనే మెగాస్టార్ చిరంజీవి విశ్వంభ‌ర‌లో ఒక కీల‌క పాత్ర‌లో న‌టిస్తోంద‌ని కూడా క‌థ‌నాలొచ్చాయి. నెమ్మ‌దిగా ఆషిక అడుగులు టాలీవుడ్ లోను ముందుకు ప‌డుతున్నాయి. మునుముందు ర‌ష్మిక‌లా పెద్ద స్టార్ అవ్వాల‌ని క‌ల‌లు కంటోంది.

ఇలాంటి స‌మ‌యంలో గ్యాప్ లెస్ గా త‌న ఫోటోషూట్ల‌తో కుర్ర‌కారు కంటికి కునుకుప‌ట్ట‌నివ్వ‌ని ట్రీటిస్తోంది. ఇప్పుడు అలాంటి ఒక బోల్డ్ ఫోటోషూట్ తో ఆషిక గుబులు రేపుతోంది. బ్లాక్ థీమ్డ్ ఫోటోషూట్ లో ఆషిక థై స్లిట్ ఫ్రాక్ లో ఎంతో బోల్డ్ గా క‌నిపిస్తోంది. గ్రే షేడ్ నేప‌థ్యంలో ఆషిక బ్లాక్ ఫ్రాక్ ధ‌రించ‌డంతో ఈ ఫోటోషూట్ కి ప్ర‌త్యేక ఎలివేష‌న్ వ‌చ్చింది. ప్ర‌స్తుతం ఈ గ్లామ‌ర‌స్ ఫోటోలు ఇంట‌ర్నెట్ లో వైర‌ల్ గా మారుతున్నాయి.