ఆ స్టార్ హీరో కోసం మండేలా మావీర‌న్

చియాన్ విక్ర‌మ్ ఇటీవ‌లే మ‌ళ్లీ 'తంగ‌లాన్' విజ‌యంతో స‌క్సెస్ ట్రాక్ ఎక్కాడు. 'పొన్నియ‌న్ సెల్వ‌న్' మంచి విజ‌యం సాధించినా? క్రెడిట్ అత‌డితో పాటు చాలా మంది న‌టులు పంచుకున్నారు. దీంతో అతి అత‌డి సోలో స‌క్సెస్ గా క‌నిపించ‌లేదు. కానీ 'తంగ‌లాన్' తో మ‌రోసారి ప్రేక్ష‌కులంద‌ర్నీ మెప్పించాడు. వినూత్న‌మైన న‌ట‌న‌, ఆహర్యంతో విక్ర‌మ్ మార్క్ వేసాడు. ప్ర‌స్తుతం ఆయ‌న 'వీర ధీర శూర‌న్-2' అనే సినిమా చేస్తున్నాడు. చిత్రీక‌ర‌ణ ముగింపు ద‌శ‌లో ఉంది.

అన్ని ప‌నులు పూర్తి చేసి వీలైనంత త్వ‌ర‌గా చిత్రాన్ని ప్రేక్ష‌కుల ముందుకు తీసుకు రావ‌డానికి స‌న్నాహాలు చేస్తున్నారు. అయితే ఈ సినిమా సెట్స్ లో ఉండ‌గానే 63వ చిత్రం ప‌నుల్లోనూ బిజీ అయ్యాడు విక్ర‌మ్ . 'మండేలా', 'మావీర‌న్' చిత్రాల‌తో మ‌డోన్ అశ్విన్ పేరు కోలీవుడ్ లో మారు మ్రోగింది. ముఖ్యంగా 'మావీర‌న్' సినిమా మంచి ఫ‌లితాలు సాధించింది. దీంతో స్టార్ హీరోల దృష్టి అత‌డిపై ప‌డింది. దీనిలో భాగంగానే విక్ర‌మ్ కూడా క‌ర్చీప్ వేసిన‌ట్లు తెలుస్తోంది.

అయితే స్టోరీకి సంబంధించి మ‌రింత డెవ‌లెప్ మెంట్ అవ‌స‌ర‌మ‌ని ద‌ర్శ‌కుడు ఆ ప‌నుల్లో బిజీగా ఉన్నాడుట‌. అంటే 63వ చిత్రం కూడా రెగ్యుల‌ర్ చిత్రాల‌కు భిన్నంగా ఉంటుంద‌ని తెలుస్తోంది. ప్ర‌యోగాలు చేయ‌డం లో.. వైవిథ్య‌మైన పాత్ర‌లు పోషిచండంలో విక్ర‌మ్ ఎక్స్ ప‌ర్ట్ అని చెప్పాల్సిన ప‌నిలేదు. ప్ర‌యోగాలు చేయ‌డానికే నేను ఉన్న‌ది అంటూ డిఫ‌రెంట్ క‌థ‌లొస్తే నొ చెప్ప‌కుండా ఉండ‌లేడు. అలాంటి క‌థ‌లే విక్రమ్ ని ఆ స్థాయికి చేర్చాయి.

ప్ర‌యోగం ఫెయిలైనా తీవ్ర విమ‌ర్శ‌ల పాలైంది కెరీర్ లోనే లేదు. ఈ 63వ చిత్రాన్ని కూడా పాన్ ఇండియాలో ప్లాన్ చేసే అవ‌కాశం ఉంది. ఇటీవ‌ల రిలీజ్ అయిన 'తంగ‌లాన్' సౌత్ కి..ప్ర‌త్యేకంగా తెలుగు ఆడియ‌న్స్ కి బాగానే క‌నెక్ట్ అయింది. కానీ హిందీలో మాత్రం క‌నెక్ట్ అవ్వ‌లేదు. ఈసారి అలాంటి త‌ప్పిదాలు దొర్ల‌కుండా చియాన్ అండ్ కో జాగ్ర‌త్త ప‌డ‌నున్నారు.