డిజిటల్ ఎంట్రీ ఆ హీరోకి కలిసి వస్తుందా..!

కొంతమంది హీరోలు స్టార్ క్రేజ్ తెచ్చుకోలేకపోయినా వాళ్లు చేసిన కొన్ని సినిమాలు ప్రేక్షకులను ఎప్పుడు వారిని గుర్తు పెట్టుకునేలా చేస్తాయి. హీరోగా మారిన ప్రతి ఒక్కరు స్టార్ అవుతారని చెప్పలేం కానీ వారి మార్క్ చూపించే సినిమాలు మాత్రం అందరు చేస్తారని చెప్పొచ్చు. అలాంటి వారిలో ఒకరు వేణు తొట్టెంపూడి. తెరంగేట్రం సినిమానే స్వయంవరం అంటూ వచ్చి హిట్ అందుకున్న వేణు చిరునవ్వుతో, హనుమాన్ జంక్షన్, పెళ్లాం ఊరెళితే లాంటి సినిమాలతో ఆడియన్స్ ని అలరించారు. వేణు సినిమాలో ఉన్నాడు అంటే ఎంటర్టైన్మెంట్ పక్కా అనేలా ప్రేక్షకులు భావించారు.

అయితే హీరోగా చిన్న చిన్నగా అవకాశాలు తగ్గిన వేణు సినిమాలో డిఫరెంట్ రోల్స్ కి సై అన్నాడు. వెంకటేష్ తో చింతకాయల రవి సినిమాలో స్పెషల్ రోల్ చేసిన వెణు ఎన్.టి.ఆర్ దమ్ము సినిమాలో కూడా నటించాడు.

ఇక ఆఫ్టర్ లాంగ్ గ్యాప్ రవితేజ రామారావు ఆన్ డ్యూటీ సినిమాలో పోలీస్ పాత్రలో నటించాడు వేణు. ఆ సినిమా హిట్ అయితే పరిస్థితి ఎలా ఉండేదో కానీ రామారావు సినిమా ఫ్లాప్ అవడంతో వేణుకి అవకాశాలు రాలేదు. అయితే వేణు సినిమాల్లో ఛాన్స్ లు రాకున్నా ఓటీటీ లో ఆఫర్ అందుకున్నారు.

ప్రముఖ ఓటీటీ సంస్థ డిస్నీ హాట్ స్టార్ స్పెషల్స్ గా వస్తున్న అతిథి వెబ్ సీరీస్ లో వేణు నటిస్తున్నారు. ఈ వెబ్ సీరీస్ నుంచి వేణు ఫేస్ వరకు మాత్రమే అది కూడా మొత్తం కాకుండా జస్ట్ ముఖాన్ని మాత్రమే చూపిస్తూ సీరీస్ పై ఆసక్తి పెంచేలా చేస్తున్నారు. అతిథి వెబ్ సీరీస్ మిగతా కాస్ట్ అండ్ క్రూ ఎవరన్నది తెలియాల్సి ఉంది. హాట్ స్టార్ స్పెషల్స్ ఈమధ్య తెలుగు ఆడియన్స్ లో మంచి వెబ్ సీరీస్ లను అందిస్తూ ఎంటర్టైన్ చేస్తుంది. ఈ క్రమంలో సిల్వర్ స్క్రీన్ పై కాస్త ఫాం తగ్గిన వారంతా కూడా వెబ్ సీరీస్ ల మీద దృష్టి పెడుతున్నారు.

వేణు తొట్టెంపూడిని కూడా రంగంలోకి దించుతున్నారు. వేణు ఈ ప్రయత్నం అయినా సక్సెస్ అవుతుందా లేదా వెబ్ సీరీస్ లతో వేణు తిరిగి ఫాం లోకి వస్తాడా లేదా అన్నది చూడాలి. ఒకప్పటి యూత్ ఆడియన్స్ ని తన పంచ్ డైలాగ్స్ తో మెప్పించిన వేణు అలాంటి ఒక కథ మళ్లీ తీస్తే మాత్రం చూడాలని అనుకుంటున్నారు. సినిమాలో, వెబ్ సీరీస్ లో వేణు వరుస ప్రాజెక్ట్ లు చేయాలని ఫిక్స్ అయ్యారు. సో మళ్లీ త్వరలోనే ఆయన కూడా హిట్ ట్రాక్ లోకి పడే అవకాశం ఉందని చెప్పొచ్చు.