యంగ్ టైగ‌ర్ తో 'వార్-2' మేక‌ర్ ఒంట‌రిగానా!

'వార్ -2' చిత్రంతో యంగ్ టైగ‌ర్ ఎన్టీఆర్ బాలీవుడ్ లో అడుగు పెడుతోన్న సంగ‌తి తెలిసిందే. ఇందులో హృతిక్ రోష‌న్ తో క‌లిసి న‌టిస్తున్నాడు. యంగ్ టైగ‌ర్ పాత్ర హృతిక్ పాత్ర‌కు ధీటుగా ఉంటుందన్న‌ది తెలిసిందే. ఇంకా చెప్పాలంటే హృతిక్ పాత్ర‌కంటే శ‌క్తివంత‌మైన రోల్ ఇద‌ని ప్ర‌చారం జ‌రుగుతోంది. ఈ నేప‌థ్యంలో తార‌క్ పాత్రకి సంబంధించి మ‌రింత స‌మాచారం లీక‌వుతుంది. దేశం , వ్య‌వ‌స్థ కోసం పోరాడిన బ‌ల‌మైన వ్య‌క్తి పాత్ర‌లో తార‌క్ క‌నిపిస్తాడుట‌.

అటుపై అదే పాత్ర లో అంత‌కు మించిన నెగిటివిటీ ఉంటుందంటున్నారు. అదే దేశంపై తాను తిర‌గ‌బ‌డితో ఎలా ఉంటుంది? అన్న‌ది అంతే బ‌లంగా చెప్ప‌బోతున్నాడుట‌. దీన్ని బ‌ట్టి ఈ స్పై థ్రిల్ల‌ర్ వైఆర్ ఎఫ్ బ్యాన‌ర్లో వ‌చ్చిన గ‌త చిత్రాల త‌ర‌హాలోనే ఉంటుంద‌ని తెలుస్తోంది. అయితే క‌థ‌లో పాత్ర‌ల‌ను భిన్నంగా చూపించ‌డానికి అవ‌కాశం ఉంది. ఈ క్ర‌మంలోనే ఎన్టీఆర్ పాత్ర‌కి బ‌ల‌మైన క‌థా నేప‌థ్యం ఉందంటున్నారు.

అత‌డిపై యాక్ష‌న్ స‌న్నివేశాలు పీక్స్ లో ఉంటాయ‌ని తెలుస్తోంది. అలాగే ఎన్టీఆర్ పై ప్లాష్ బ్యాక్ కూడా ఎంతో బ‌లంగా ఉంటుంద‌ని..అది ఎమోష‌న‌ల్ గా క‌నెక్ట్ అవుతుందంటున్నారు. ప్ర‌స్తుతానికి వ‌చ్చిన త‌ర్వాత ఆ పాత్ర నెగిటివ్ గా ఉన్నా? ఎంతో క‌న్వెన్సింగ్ గా ఉంటుందంటున్నారు. ఈ నేప‌థ్యంలో ద‌ర్శ‌కుడికి ఓ కొత్త ఆలోచ‌న కూడా వ‌చ్చిన‌ట్లు వినిపిస్తుంది. తార‌క్ తో ప్లాష్ బ్యాక్ ని ఆధారంగా చేసుకుని ప్ర‌త్యేకంగా ఓ సినిమా తీయోచ్చ‌ని భావి స్తున్నాడుట‌.

దీనికి సంబంధించి ప్లానింగ్ కూడా జ‌రుగుతోంద‌ని బాలీవుడ్ మీడియాలో ప్ర‌చారం జ‌రుగుతోంది. అంటే ఆయాన్ ముఖ‌ర్జీ ఇక్క‌డ లొకేష్ క‌న‌గ‌రాజ్ స్ట్రాట‌జీ అనుస‌రించాడు. `విక్ర‌మ్` సినిమా రిలీజ్ అనంత‌రం రొలెక్స్ పాత్ర పోషించిన సూర్య రోల్ క‌నెక్ట్ అవ్వ‌డంతో? `రోలెక్స్` టైటిల్ తో సూర్య హీరోగా ప్ర‌త్యేకంగా ఓ సినిమా అధికారికంగా ప్ర‌క‌ట‌న రిలీజ్ చేసిన సంగ‌తి తెలిసిందే. ఎల్ సీ యూ యూనివ‌ర్శ్ లో భాగంగాఈ ప్రాజెక్ట్ బ‌య‌ట‌కు వ‌చ్చింది. తాజాగా ఆయాన్ ముఖ‌ర్జీ కూడా వైఆర్ ఎఫ్ స్పై యూనివ‌ర్శ్ నుంచి తార‌క్ తో ఇలా స్పెష‌ల్ గా ఓ మూవీ ప్లాన్ చేస్తున్న‌ట్లు క‌నిపిస్తుంది.