చీరకట్టులో అయేషా ఖాన్ సింగారం

నార్త్ ఇండియన్ భామ అయేషా ఖాన్ కి సోషల్ మీడియాలో విపరీతమైన ఫ్యాన్ ఫాలోయింగ్ ఉంది. ఆమె బాలవీర్ అనే సీరియల్ తో నటిగా కెరియర్ స్టార్ట్ చేసింది. తరువాత హిందీ బిగ్ బాస్ 17లో కంటిస్టెంట్ గా పార్టిసిపేట్ చేసింది. ఆ తరువాత అయేషా ఖాన్ కి మంచి ఇమేజ్ వచ్చింది. గ్లామర్ ఫోటోషూట్ లతో ఈ బ్యూటీ అందరికి చేరువ అయ్యింది. ‘ముఖచిత్రం’ సినిమాతో అయేషా ఖాన్ టాలీవుడ్ లోకి హీరోయిన్ గా అడుగుపెట్టింది.

తరువాత ‘ఓం భీమ్ బుష్’ సినిమాలో ఒక హీరోయిన్ గా కనిపించింది. ‘గ్యాంగ్స్ ఆఫ్ గోదావరి’ చిత్రంలో ఐటెం సాంగ్ తో అయేషా ఖాన్ మరింతగా అందరి దృష్టిని ఆకర్షించింది. శర్వానంద్ ‘మనమే’, దుల్కర్ సల్మాన్ ‘లక్కీ భాస్కర్’ సినిమాలలో కూడా అయేషా ఖాన్ నటించింది. ఈ బ్యూటీ హీరోయిన్ గా అదిరిపోయే ఒక కమర్షియల్ సక్సెస్ కోసం వెయిట్ చేస్తోంది.

స్టార్ హీరోయిన్ అయ్యే ఫీచర్స్ అయేషా ఖాన్ కి పుష్కలంగా ఉన్నాయని ఆమెని ఫాలో అయ్యేవారు చెప్పే మాట. ఇదిలా ఉంటే ఈ బ్యూటీకి ఇన్ స్టాగ్రామ్ లో ఏకంగా 5.4 మిలియన్ ఫాలోవర్స్ ఉన్నారు. చాలా తక్కువ టైంలోనే అయేషా ఖాన్ ఈ స్థాయిలో ఫాలోవర్స్ ని సొంతం చేసుకోవడం విశేషం. రెగ్యులర్ గా ఈ అమ్మడు గ్లామర్ ఫోటోషూట్ లని ఇన్ స్టాగ్రామ్ లో షేర్ చేస్తూ ఉంటుంది.

అలాగే చక్కగా చీరకట్టులో మెస్మరైజ్ చేస్తుంటుంది. తాజాగా కాటన్ సారీలో సైడ్ లుక్ లో వంటగదిలో దిగిన ఫోటోలని అయేషా ఖాన్ సోషల్ మీడియాలో ట్రెండ్ అవుతున్నాయి. ఈ ఫోటోలలో అయేషా ఖాన్ చాలా హోమ్లీగా ఉంది. లుక్స్ కూడా ఇట్టే ఆకట్టుకుంటున్నాయి. ఈ ఫోటోలపై ఆమె అభిమానులు ప్రశంసలు కురిపిస్తున్నారు. సరైన క్యారెక్టర్స్ పడితే అయేషా ఖాన్ బ్రేక్స్ లేకుండా స్టార్ హీరోయిన్ గా దూసుకుపోతుందని అంటున్నారు. మరి ఈ బ్యూటీకి కమర్షియల్ బ్రేక్ ని ఎవరిస్తారు అనేది వేచి చూడాలి.