ఈ GOG పాప డ్యాన్స్ తోనే హీటెక్కిస్తోందిగా

ఆయేషా ఖాన్.. అప్పుడెప్పుడో ఓ తెలుగు సినిమా చేసిన ఈ ముంబయి బ్యూటీ.. ఇప్పుడు టాలీవుడ్ లో బిజీ బిజీగా మారింది. 2022లో ముఖచిత్రం అనే తెలుగు మూవీ చేసిన ఆయేషా.. ఆ తర్వాత సినిమాలకు పూర్తిగా దూరమైంది. ఇటీవల హిందీ బిగ్ బాస్ సీజన్ 17కు వైల్డ్ కార్డ్ ఎంట్రీగా వెళ్లి కొద్దిరోజులకే బయటకొచ్చేసింది. ఆ తర్వాత టాలీవుడ్ యంగ్ హీరో, మాస్ కా దాస్ విశ్వక్ సేన్ గ్యాంగ్స్ ఆఫ్ గోదావరి మూవీలో స్పెషల్ సాంగ్ చేసే లక్కీ ఛాన్స్ కొట్టేసింది.

దీంతో అప్పటి నుంచి ఆయేషా ఖాన్ పేరు.. తెలుగు సినీ వర్గాల్లో మార్మోగిపోతోంది. ఇప్పటికే విశ్వక్ మూవీలో ఆమె ఐటెం సాంగ్ షూట్ కంప్లీట్ అవ్వగా.. త్వరలోనే ఈ సినిమా రిలీజ్ కానుంది. ఇక విశ్వక్ మూవీతో రీ ఎంట్రీ ఇచ్చిన ఈ అమ్మడు.. తెలుగులో వరుస అవకాశాలు దక్కించుకుంటోంది. శ్రీ విష్ణు, రాహుల్ రామకృష్ణ, ప్రియదర్శి ప్రధాన పాత్రల్లో నటించిన ఓ భూమ్ బుష్ మూవీలో హీరోయిన్ గా నటించింది. ఇటీవలే ఈ మూవీ గ్లింప్స్ విడుదలైంది.

ఇక లేటెస్ట్ గా మరో క్రేజీ ఛాన్స్ కొట్టేసింది ఆయేష. మలయాళ మెగాస్టార్ మమ్ముట్టి వారసుడిగా ఇండస్ట్రీలో అడుగుపెట్టి సూపర్ ఫేమ్ సంపాదించుకున్న దుల్కర్ సల్మాన్ తో ఆడిపాడనుంది. ఆయన నటిస్తున్న లక్కీ భాస్కర్ మూవీలో మంచి రోల్ లో నటించే ఛాన్స్ దక్కించుకుంది. ఈ మూవీలో భాగం కావడం తనకు ఎంతో ఎగ్జైటింగ్‌ గా ఇటీవల సోషల్ మీడియాలో ఆయేష తెలిపింది.

టాలీవుడ్ లో వరుస అవకాశాలు దక్కించుకున్న ఆయేషా ఖాన్.. సోషల్ మీడియాలో యమా యాక్టివ్ గా ఉంటోంది. శారీలతోపాటు మోడ్రన్ ఔట్ ఫిట్స్ తో వయ్యారాలు ఒలకబోస్తుంటోంది. ఫ్యాన్స్ కు మంచి ట్రీట్ అందిస్తుంటోంది. నెట్టింట సెగలు పుట్టిస్తూ కుర్రకారును అల్లాడిస్తుంటోంది. విశ్వక్ తో స్పెషల్ సాంగ్ కు చిందులేసిన తర్వాత.. ఆమె ప్రతీ పోస్ట్ వైరల్ గా మారుతోంది.

తాజాగా ఫేమస్ హిందీ సాంగ్ కు ఓ రేంజ్ లో స్టెప్పులు వేసి ఉర్రూతలూగించింది. ఆ వీడియో ఇన్ స్టాలో పోస్ట్ చేసింది. బ్లాక్ శారీ, స్లీవ్ లెస్ బ్లౌజ్ తో నడుము ఊపుతూ అదరగొట్టింది. మ్యూజిక్ కు తగ్గ స్టెప్పులు వేస్తూ తన డ్యాన్స్ తో ఫిదా చేస్తోంది. చెవులకు పెట్టుకున్న సిల్వర్ కలర్ ఇయర్ రింగ్స్.. ఆమె అందాన్ని మరింత పెంచాయి. ప్రస్తుతం ఈ చిన్నది డ్యాన్స్ వీడియో సోషల్ మీడియాలో తెగ చక్కర్లు కొడుతోంది. మరి ఈ GOG బ్యూటీ డ్యాన్స్ చూశారా?