యాక్ష‌న్ ట‌చ్ చేసాడు ఈసారి బ్లాక్ బ‌స్ట‌రేనా?

బాలీవుడ్ యంగ్ హీరో వ‌రుణ్ ధావ‌న్ కెరీర్ జ‌ర్నీ గురించి చెప్పాల్సిన ప‌నిలేదు. మంచి ట్యాలెంటెడ్ న‌టుడైనా? ప్ర‌యాణంలో కొన్ని ర‌కాల త‌ప్పిదాలు చేసాడు. పెర్మార్మెన్స్ ప‌రంగా స‌ల్మాన్ ఖాన్, గోవిందా లాంటి సీనియ‌ర్ న‌టుల్ని అనుకరించి కెరీర్ పై ఓ మ‌చ్చ వేసుకున్నాడు. అప్ప‌టి నుంచి వ‌రుణ్ ఎలాటి సినిమా చేసినా? కాపీ క్యాట్ అనే ముద్ర ప‌డింది. అయితే కాల‌క్ర‌మంలో ఆ ముద్ర‌ను చెరుపుకోగ‌లిగాడు. ప్ర‌స్తుతం కెరీర్ ప‌రంగా స‌క్సెస్ పుల్ గా దూసుకుపోతున్నాడు.

యాక్ష‌న్ డ్రామా `బేబి జాన్` ప్ర‌క‌టించిన నాటి నుంచి సినిమాపై ఎలాంటి అంచ‌నాలున్నాయో తెలిసిందే. ఇంత‌వ‌ర‌కూ వ‌రుణ్ యాక్ష‌న్ బ్యాక్ డ్రాప్ ని ట‌చ్ చేయ‌లేదు. యాక్ష‌న్ క‌టౌట్ అయినా ఆ త‌ర‌హా చిత్రాల జోలికి వెళ్ల‌లేదు. అయితే బేబిజాన్ లో కావాల్సినంత యాక్ష‌న్ ఉంది. హై ఓల్టేజ్ యాక్ష‌న్ ఎంట‌ర్ టైన‌ర్ గాఈ చిత్రాన్ని మ‌లుస్తున్నారు. తాజాగా రిలీజ్ అయిన ఈ సినిమా ప్ర‌చార చిత్రాలు, టీజ‌ర్ ఆక‌ట్టుకుంటున్నాయి.

ఇంకా డిజిట‌ల్ మాధ్య‌మ‌ల్లో ఇవి రిలీజ్ కాక‌పోయినా దివాలీ సంద‌ర్భంగా రిలీజ్ అయిన `భూల్ భుల‌య్య‌-3`, `సింగం ఎగైన్` రిలీజ్ ల‌కు అటాచ్ చేసి వ‌దిలారు. వీటికి థియేట‌ర్లో మంచి రెస్పాన్స్ వ‌స్తోంది. టీజ‌ర్ తోనే ప్ర‌శంసలందుకుంటున్నాడు. వరుణ్ ని ఇంత వ‌ర‌కూ చూడ‌ని కొత్త పాత్ర‌లో చూసి ప్రేక్ష‌కాభిమానులు థ్రిల్ ఫీల్ అవుతున్నారు. టీజర్‌ను చూసిన నెటిజన్లు, వరుణ్ లుక్‌ను ప్రత్యేకంగా ప్రశంసిస్తున్నారు.

పాత్ర పవర్‌ఫుల్‌గా ఉంటుందంటున్నారు. ప్రధానంగా సింగిల్ స్క్రీన్‌లలో ప్రేక్షకులకు మ‌రింత క‌నెక్ట్ అయింది. ఇప్పుడా బిగ్ స్క్రీన్ ఫోటోలు నెట్టింట వైర‌ల్ అవుతున్నాయి. దీంతో సినిమాపై అంచ‌నాలు తారా స్థాయికి చేరుతు న్నాయి. వరుణ్ గత సినిమాల రికార్డులతో పోలిస్తే ఈసినిమా అత్య‌ధిక ఓపెనింగ్ లు సాధిస్తుంద‌ని అంచ‌నా వేస్తున్నారు. బ‌డ్జెట్ కి రెట్టింపు రివ‌క‌రీ చేస్తే బ్లాక్ బ‌స్ట‌ర్ అవ్వ‌డంలో ఎలాంటి సందేహం లేదు.