బేబీ ఫ్యాన్స్ కి సూపర్ గుడ్ న్యూస్..!

బేబీ మూవీ మంచి కల్ట్ హిట్ అయ్యింది. ఎలాంటి అంచనాలు లేకుండా ప్రేక్షకుల ముందుకు వచ్చిన ఈ మూవీ, బ్లాక్ బస్టర్ హిట్ అందుకుంది. ఎక్కడ చూసినా ఈ మూవీ పేరే వినపడుతోంది. సాధారణ ప్రేక్షకుల దగ్గర నుంచి సెలబ్రెటీల వరకు ఈ మూవీ పై ప్రశంసల వర్షం కురిపిస్తున్నారు. ఈ మూవీకి అందరూ ఫిదా అయిపోయారు.

అయితే, తాజాగా ఈ మూవీ ఫ్యాన్స్ కి డైరెక్టర్ సాయి రాజేష్ ఓ గుడ్ న్యూస్ తెలియజేశారు. ఈ మూవీలోని మరి కొన్ని పాటలు, అదేవిధంగా డిలీటెడ్ సీన్స్ ని యాడ్ చేస్తున్నట్లు మేకర్ ప్రకటించారు. ఈ మూవీ విడుదలై 25 సంవత్సరాలు అవుతోంది. ఈ నేపథ్యంలో, అదనంగా డీలీటెడ్ సీన్స్ యాడ్ చేయడం విశేషం.

కాగా, మూవీ ప్రమోషన్స్ లో భాగంగా డైరెక్టర్ కొన్ని సీన్లు మీడియాకు వివరించారు. ముఖ్యంగా మదర్ సెంటిమెంట్ పై రెండు, మూడు సీన్లు తీశామని, అయితే, ఎడిటింగ్ లో భాగంగా వాటిని తీసేశామని చెప్పారు. ఆయన అవి ఉంచితే బాగుండేదే, మూవీకి మంచి ప్లస్ అయ్యేది అనే భావన చాలా మందిలో కలిగింది. అయితే, ఇప్పుడు ఈ సీన్లు చూసే అవకాశం ఫ్యాన్స్ కి కలుగుతోంది.

ఇప్పటికే ఈ మూవీ రూ.100కోట్లకు దగ్గరగా కాసులు రాబట్టింది. అదనంగా ఈ సీన్లు యాడ్ చేయడంతో, ఆ సీన్ల కోసం మళ్లీ ప్రేక్షకులు క్యూ కట్టినా ఆశ్చర్యపోవాల్సిన అవసరం లేదు. మామూలుగా అయితే, డిలీటెడ్ సీన్స్ ని సోషల్ మీడియాలో విడుదల చేస్తారు. కానీ, ఈ మూవీ టీమ్ తెలివిగా, వాటిని సినిమాలో యాడ్ చేస్తుండటం విశేషం. ఈ కొత్త యాడ్ చేసిన సీన్స్ తో ఈ రోజు సాయంత్రం ఆరుగంటలకు సంధ్య 7ఎంఎం థియేటర్ లో విడుదల చేస్తున్నామని మూవీ టీమ్ ఓ స్పెషల్ పోస్టర్ కూడా విడుదల చేసింది.

ఇదిలా ఉండగా, ఈ మూవీ విడుదల అయిన తర్వాత హీరోయిన్ వైష్ణవి చైతన్యకు ఆఫర్ల వర్షం కురుస్తోంది. ఆమెకు ఏకంగా హీరో రామ్ పక్కక నటించే ఆఫర్ వచ్చినట్లు ప్రచారం జరుగుతోంది. దీనిపై అధికారిక ప్రకటన వెలువడాల్సి ఉంది.