ఇంత ల‌క్ష‌ణ‌మైన స‌న్నీని చూడ‌లేని పాడు లోకం!

పాడు లోకం ఒక అంద‌మైన యువ‌తిని వంచించింది. అడ‌ల్ట్ సినిమాల ముగ్గులోకి లాగింది. శృంగార సినిమాల న‌టిగా రొంపిలోకి దిగిన ఆ యువ‌తి లైఫ్ జ‌ర్నీలో ఊహించ‌ని మ‌లుపులు ఎన్నో. కాల‌క్ర‌మంలో బాలీవుడ్ లో అడుగుపెట్టిన ఆ యువ‌తి న‌టిగాను నిరూపించుకుని, భార‌త‌దేశంలో భారీ ఫాలోయింగ్ ని సంపాదించింది. ఆ త‌ర్వాత త‌న న‌ట‌న‌ను కొన‌సాగిస్తూనే కుటుంబ జీవితాన్ని ఆస్వాధిస్తోంది. సొంతంగా వ్యాపారం ప్రారంభించి ఎంట‌ర్ ప్రెన్యూర్ గాను రాణిస్తోంది. భ‌ర్త స‌హ‌కారంతో స‌రోగ‌సీలో పిల్ల‌ల్ని క‌ని, కొందరు పిల్ల‌ల‌ను ద‌త్త‌త తీసుకుని, వారి కోసం జీవితాన్ని అంకిత‌మిచ్చింది. ఈ క‌థ‌లో విధివంచిత ఎవ‌రో చెప్పాల్సిన ప‌ని లేదు. శృంగార నాయిక‌గా కుర్ర‌కారు హృద‌యాల్ని కొల్ల‌గొట్టిన స‌న్నీలియోన్ స్టోరి ఇది. కెన‌డా-అమెరికాలో అడ‌ల్ట్ సినిమాల్లో న‌టించిన స‌న్నీలియోన్ బాలీవుడ్ లో అడుగుపెట్టిన త‌ర్వాత ఎలా ఎదిగిందో తెలిసిందే.

అయితే ఐట‌మ్ నంబ‌ర్ల న‌ర్త‌కిగాను, శృంగార ర‌స‌ చిత్రాల్లో న‌టించిన స‌న్నీలియోన్ ని అందుకు భిన్నంగా ఈ లోకం చూడ‌గ‌లదా? సాంప్ర‌దాయ‌బ‌ద్ధంగా చుడీదార్ లో క‌నిపిస్తే దానిని హ‌ర్షిస్తుందా? ఏమో తెలీదు కానీ.. ఇప్పుడు వార‌ణాశిలో ప‌విత్ర గంగలో పూజ‌లాచ‌రిస్తున్న స‌న్నీలియోన్ లుక్ చాలా ప్ర‌శ్న‌లు లేవ‌నెత్తింది. స‌న్నీ నెవ్వ‌ర్ బిఫోర్ లుక్ అంద‌రినీ ఆశ్చ‌ర్య‌ప‌రిచింది. ప్ర‌స్తుతం ఈ ఫోటోగ్రాఫ్ అంత‌ర్జాలంలో వైర‌ల్ గా మారింది. స‌న్నీ స‌ల్వార్ సూట్ ధ‌రించి ఎంతో సాంప్ర‌దాయ‌బ‌ద్ధంగ క‌నిపించింది. మెడ‌లో బంతిపూల మాల‌.. నుదుటిన ప‌సుపు కుంకుమ‌లు చూస్తుంటే భ‌క్తురాలికి సింబాలిక్ గా క‌నిపించింది.

సన్నీ లియోన్ వారణాసిలో గంగా హారతి :

గాయకుడు అభిషేక్ సింగ్‌తో పాటు స‌న్నీలియోన్ ఇటీవలి డ్యాన్స్ వీడియో విజయవంతమైనందుకు ఆశీర్వాదం కోసం సన్నీ లియోన్ ప్రస్తుతం పవిత్రమైన వారణాసిలో ఉంది. అక్క‌డ భారతీయ సాంప్రదాయం ఉట్టిప‌డేలా ఎంతో డీసెంట్ గా గులాబీ రంగు సల్వార్ సూట్‌లో అందంగా కనిపించి చూపరులను మంత్రముగ్ధులను చేసింది. గంగా హారతి ఆధ్యాత్మిక మూడ్ స‌న్నీలియోన్ దుస్తులలోని ప్రకాశవంతమైన రంగుతో చక్కగా జ‌త‌కుదిరింది. ఈ రూపం స‌న్నీ అభిమానులను ఆశ్చర్యపరిచింది. స‌న్నీ దుస్తుల ఎంపిక క్లాస్సినెస్ సాంస్కృతిక సున్నితత్వం యొక్క ఖచ్చితమైన మిక్స్, ఆమె సినిమాల్లో మాత్రమే పని చేయడం కంటే ఎక్కువ చేయగలదని చూపిస్తుంది.

పవిత్రమైన గంగా నది ఒడ్డున జరిగిన మతపరమైన వేడుకకు సన్నీలియోన్ హాజరు కావడం సెలబ్రిటీ ఆకర్షణను జోడించింది. ఆ తర్వాత స‌న్నీలియోన్ తన సోషల్ మీడియా ఖాతాలో పవిత్ర వాతావరణంలో తీసిన వీడియో ఫోటోల‌ను షేర్ చేసింది. ఈ వీడియోకు చ‌క్క‌ని క్యాప్షన్ ఇచ్చింది ``వారణాసిలో గంగా హారతి చూడటం అత్యంత అద్భుతమైన అనుభవం. ధన్యవాదాలు అభిషేక్..& టి సిరీస్ అఫీషియ‌ల్`` అని రాసింది.

గంగా హారతిలో సన్నీ లియోన్ అనాదిగా వ‌స్తున్న ఆచారాల‌ను, సంప్రదాయాలను గౌర‌విస్తూ ఆధునికతను మిళితం చేసిందని అభిమానులు ప్రశంసించారు. సాంస్కృతిక నేల‌పై స‌న్నీ చ‌ర్య అంద‌రినీ ఆక‌ర్షించింది. వృత్తిరీత్యా సన్నీ త్వరలో జియో సినిమాలో ప్రీమియర్‌గా ప్ర‌ద‌ర్శితం కానున్న `గ్లామ్ ఫేమ్`, అలాగే అనురాగ్ కశ్యప్ నియో-నోయిర్ థ్రిల్లర్ `కెన్నెడీ` లో న‌టించింది. త్వ‌ర‌లోనే తమిళంలోని ఓ రియాలిటీ షోలోకి న్యాయనిర్ణేతగా అడుగుపెట్టడానికి సిద్ధమవుతోంది.