బాలయ్య నోట నాగార్జున నామం!

కింగ్ నాగార్జున నోట న‌ట‌సింహ‌ బాల‌కృష్ణ పేరు..బాల‌కృష్ణ నోట నాగార్జున నామం రావ‌డం అన్న‌ది ఇంత‌వర‌కూ ఎవ‌రూ చూసి ఉండ‌రు. రెగ్యుల‌ర్ గా క‌క‌పోయినా? అప్పుడ‌ప్పుడైనా క‌లుస్తుంటే? ఒక‌రి పేర్లు ఒక‌రు ప‌ల‌క‌డానికి అవ‌కాశం ఉంటుంది. కానీ ఇక్క‌డ అందుకు ఛాన్స్ లేకుండా ఉంది. ఇరువురు క‌లిసింది ఇంత‌వ‌ర‌కూ జ‌ర‌గ‌లేదు. అలా ఎందుకు? అన్న‌ది ప‌క్క‌న‌బెడితే..

తాజాగా బాల‌య్య స్వ‌ర్ణోత్స‌వ వేడుక సంద‌ర్భంగా నిన్న‌టి రోజున బాల‌కృష్ణ నోట నాగార్జున నామం రావ‌డం ఆస‌క్తిక‌రంగా మారింది. చిరంజీవి, వెంక‌టేష్‌, నాగార్జున ల‌తో నాపోటీ డాన్సుల్లో, ఫైటింగ్ ల్లో ఉండేది. ఈ రెండింటి విష‌యంలో ఒక‌రికొక‌రు పోటీ ప‌డి న‌టించే వాళ్లం. అది ఎంతో ఆరోగ్య క‌ర‌మైన వాతావ‌ర‌ణంలోనే ఉండేది అన్నారు. గ‌డిచిన ప‌దిహేన‌ళ్ల‌లో బాల‌య్య నోట ఎప్పుడూ నాగార్జున అనే మాట రాలేదు.

అది నిన్న‌టి రోజున చోటు చేసుకుంది. అంత‌కు ముందు ఎప్పుడైనా జంపిచారా? అన్న‌ది తెలియ‌దు గానీ ఈ ప‌దిహేన‌ళ్లో మాత్రం ఇదే తొలిసారి అని చెప్పాలి. బాల‌య్య ఇంట‌...నాగార్జున ఇంట ఎన్నో వేడుక‌లు జ‌రుగుతుంటాయి. కానీ ఇరువురు ఒక‌రింట వేడుక‌కు మ‌రోక‌రు హాజ‌రైంది లేదు. అలాగే ఏ సినిమా ఈవెంట్లో కూడా ఇద్ద‌రు క‌లిసి క‌నిపించింది కూడా లేదు. ఎంతో మంది స్టార్ హీరోలు క‌లిసి ఒకే వేదిక‌పై క‌నిపిస్తున్నారు.

కానీ నాగార్జున‌-బాల‌య్య మాత్రం ఒకే వేదికను ఏ నాడు పంచుకోలేదు. అది సినిమా వేదికైనా...ప్ర‌యివేట్ వేదికైనా? ఇద్ద‌రు ఒకే ప్రేమ్ లో చిక్కింది లేదు. ఒకే ఈవెంట్ కి హాజ‌ర‌వ్వాల్సిన సంద‌ర్భంలో వేర్వేరు స‌మ‌యాల్లో అటెండ్ అవ్వ‌డంతో అందుకు కూడా ఛాన్స్ లేకుండా పోయింది. అయినా నిన్న‌టి రోజున బాల‌య్య నోట నాగార్జున నామం రావ‌డం ఒకింత ఆశ్చ‌ర్య‌మే.