వైరల్‌ : మాకు బాలయ్య ఇలా కావాలి!

నందమూరి బాలకృష్ణ తన 50 ఏళ్ల సినీ కెరీర్ ను పూర్తి చేసుకున్న నేపథ్యంలో సెప్టెంబర్ 1న భారీ వేడుకను టాలీవుడ్‌ ప్లాన్‌ చేసిన విషయం తెల్సిందే. తెలుగు రాష్ట్రాల ముఖ్యమంత్రులతో పాటు పలు రాష్ట్రాలకు చెందిన ముఖ్య రాజకీయ నాయకులు, అన్ని భాషల సినీ ప్రముఖులు హాజరు అయ్యే అవకాశాలు ఉన్నాయి. ప్రస్తుతం అందుకు సంబంధించిన విషయాలు, పోస్టర్స్ సోషల్‌ మీడియాలో తెగ వైరల్‌ అవుతున్నాయి. ఇలాంటి సమయంలో బాలయ్య వింటేజ్ లుక్ ఫోటో ఒకటి నెట్టింట సడెన్ గా ప్రత్యక్షం అయ్యి ఫ్యాన్స్ తో పాటు అందరిని కూడా సర్‌ప్రైజ్ చేసింది.

వైట్ అండ్‌ వైట్‌ లో బాలయ్య ను చూస్తూ ఉంటే సమర సింహారెడ్డి, నరసింహ నాయుడు సినిమాల్లో చూసినట్లుగా అనిపిస్తోందని ఫ్యాన్స్ సోషల్‌ మీడియాలో ఈ ఫోటోలను తెగ షేర్‌ చేస్తున్నారు. నెట్టింట వైరల్‌ అవుతున్న ఈ ఫోటోలు ప్రస్తుతం ఆయన చేస్తున్న బాబీ సినిమాలోని స్టిల్స్ అనే ప్రచారం జరుగుతోంది. అయితే ఇప్పటికే వచ్చిన వార్తల అనుసారం బాలయ్య ఆ సినిమాలో మరో లుక్ తో కనిపించబోతున్నాడు. మరి ఈ లుక్ తో దర్శకుడు సర్‌ప్రైజ్‌ చేయబోతున్నాడా లేదంటే ఇది మరేదైనా ఫోటో అయ్యి ఉంటుందా అనేది తెలియాల్సి ఉంది.

బాలకృష్ణ ప్రస్తుతం ఒక కమర్షియల్‌ యాడ్‌ లో నటిస్తున్నాడని, ఆ యాడ్‌ కు సంబంధించిన లుక్‌ అయ్యి ఉంటుందనే ప్రచారం కూడా జరుగుతోంది. మొత్తానికి బాలయ్య ఈ వింటేజ్ లుక్ దేని కోసం అనేది క్లారిటీ లేదు, కానీ ఫోటోలు మాత్రం తెగ వైరల్‌ అవుతున్నాయి. బాలయ్యను ఏదైనా ఒక సినిమాలో ఫుల్‌ లెంగ్త్‌ పాత్రలో ఇలా చూడాలని కోరుకుంటున్నామని ఫ్యాన్స్ కామెంట్స్ చేస్తున్నారు. భవిష్యత్తులో బాలయ్యను ఇలాంటి గెటప్ లో దర్శకులు చూపిస్తే బాగుండు అనే అభిప్రాయంను ఫ్యాన్స్ తో పాటు మీడియా వర్గాల వారు కూడా అభిప్రాయం వ్యక్తం చేస్తున్నారు.

ప్రస్తుతం బాలయ్య నటిస్తున్న 109వ సినిమా కి సంబంధించిన షూటింగ్‌ శరవేగంగా జరుగుతోంది. బాలయ్య 50 ఏళ్ల వేడుక లో ఆ సినిమాకు సంబంధించిన టైటిల్‌ ను రివీల్‌ చేస్తే బాగుంటుంది అనే అభిప్రాయం వ్యక్తం అవుతోంది. మరి ఫ్యాన్స్‌ కోరికను బాలయ్య తీర్చబోతున్నాడా అనేది చూడాలి. ఇప్పటి వరకు నెట్టింట సినిమా టైటిల్‌ ను కూడా లీక్ అవ్వకుండా జాగ్రత్త పడుతున్నారు. ప్రస్తుతానికి అంతా సస్పెన్స్ గా ఉంచుతూ వస్తున్న బాబీ త్వరలో అన్ని విషయాలను రివీల్‌ చేసే అవకాశాలు ఉన్నాయి. డిసెంబర్‌ లో సినిమా విడుదల ఉంటుందని సమాచారం.