అఖండ‌2.. బాల‌య్య లుక్ ఎలా ఉంటుందంటే

వ‌రుస విజ‌యాల‌తో దూసుకెళ్తున్న నంద‌మూరి బాల‌కృష్ణ రీసెంట్ గా బాబీ కొల్లి ద‌ర్శ‌క‌త్వంలో వ‌చ్చిన డాకు మ‌హారాజ్ సినిమాతో బ్లాక్ బ‌స్ట‌ర్ అందుకున్నాడు. ఇదిలా ఉంటే బాల‌య్య త‌న త‌ర్వాతి సినిమాగా అఖండ‌2 తాండ‌వంను బోయ‌పాటి శ్రీను ద‌ర్శ‌క‌త్వంలో చేస్తున్న సంగ‌తి తెలిసిందే. బ్లాక్ బ‌స్ట‌ర్ సినిమా అఖండ‌కు సీక్వెల్ గా ఈ మూవీ రూపొందుతుంది.

ఈ సినిమా ప్ర‌స్తుతం షూటింగ్ ద‌శ‌లో ఉంది. ప్ర‌యాగ‌రాజ్ లో జ‌రుగుతున్న కుంభ‌మేళాకు వెళ్లి అక్క‌డ కొంత ఫుటేజ్ ను షూట్ చేసుకుని వ‌చ్చింది చిత్ర యూనిట్. అఖండ‌2 తాండవం ప్ర‌స్తుతం హైద‌రాబాద్ రామోజీ ఫిల్మ్ సిటీలో స్పెష‌ల్ గా వేసిన సెట్స్ లో షూటింగ్ జ‌రుపుకుంటోంది. బాల‌య్య అఘోరా గెట‌ప్ పై ఈ షెడ్యూల్ లో స‌న్నివేశాల‌ను తెర‌కెక్కిస్తున్న‌ట్టు తెలుస్తోంది.

భారీ అంచ‌నాల‌తో రూపొందుతున్న ఈ సినిమా కోసం ఫ్యాన్స్ ఎంతగానో ఎదురుచూస్తున్నారు. అయితే ఈ సినిమాలో బాల‌య్య లుక్ పై ఇంట్రెస్టింగ్ విష‌యం నెట్టింట వినిపిస్తోంది. అఖండ‌లో బాల‌య్య క‌నిపించే లుక్ కంటే ఈ లుక్ ను బోయ‌పాటి మ‌రింత ప‌వ‌ర్‌ఫుల్ గా డిజైన్ చేశాడ‌ని, బాల‌య్య కొత్త లుక్ అంద‌రినీ ఆశ్చ‌ర్య‌ప‌రుస్తుంద‌ని తెలుస్తోంది.

మ‌రి అఖండ‌2లో బాల‌య్య కొత్త లుక్ ఎలా ఉంటుందో చూడాలంటే చిత్ర యూనిట్ నుంచి అధికారిక పోస్ట‌ర్ వ‌చ్చే వ‌ర‌కు ఆగాల్సిందే. ప్ర‌గ్యా జైస్వాల్ హీరోయిన్ గా న‌టిస్తున్న ఈ సినిమాలో సంయుక్త మీన‌న్ కీలక పాత్ర‌లో క‌నిపించ‌నుంది. అఖండ‌కు సంగీతం అందించిన త‌మ‌నే అఖండ‌2 తాండ‌వం కు కూడా సంగీతం అందించ‌నున్నాడు.

ఈ సినిమా ప్ర‌పంచ వ్యాప్తంగా సెప్టెంబ‌ర్ 25న థియేట‌ర్ల‌లోకి రానుందని సినిమా అనౌన్స్‌మెంట్ రోజే మేక‌ర్స్ వెల్ల‌డించారు. బాల‌య్య చిన్న కూతురు తేజ‌స్విని స‌మ‌ర్పిస్తున్న ఈ సినిమాను 14 రీల్స్ ఎంటర్టైన్మెంట్స్ బ్యాన‌ర్ లో రామ్ ఆచంట‌, గోపీచంద్ ఆచంట నిర్మిస్తున్నారు. బోయ‌పాటి- బాల‌య్య కాంబినేష‌న్ లో ఆల్రెడీ వ‌చ్చిన సింహా, లెజెండ్, అఖండ సినిమాలు బ్లాక్ బ‌స్ట‌ర్లు అయిన నేప‌థ్యంలో అఖండ‌2పై హై బ‌జ్ నెల‌కొంది.