బాలయ్య బాబీ మూవీ కూడా నెక్స్ట్ లెవెల్ అంతే..!

నందమూరి బాలకృష్ణ భగవంత్ కేసరి సినిమాతో మరో సూపర్ హిట్ తన ఖాతాలో వేసుకున్నారు. దసరాకి భగవంత్ కేసరితో పాటు రవితేజ టైగర్ నాగేశ్వర రావు, విజయ్ లియో రిలీజ్ అవగా 3 సినిమాల్లో బాలయ్య సినిమా విజేతగా నిలిచింది. డైరెక్టర్ గా అనిల్ మరో హిట్ తన ఖాతాలో వేసుకున్నాడు. అఖండ, వీర సింహా రెడ్డి, భగవంత్ కేసరి 3 సినిమాలతో హ్యాట్రిక్ హిట్లు అందుకున్న బాలకృష్ణ నెక్స్ట్ రాబోయే సినిమాతో ఈ సక్సెస్ మేనియా కొనసాగించాలని చూస్తున్నాడు.

బాలకృష్ణ తర్వాత సినిమా బాబీ డైరెక్షన్ లో వస్తుంది. వాల్తేరు వీరయ్య తర్వాత బాబీ చేస్తున్న ఈ ప్రాజెక్ట్ పై భారీ అంచనాలు ఉన్నాయి. పవర్ సినిమా నుంచి తన డైరెక్షన్ టాలెంట్ చూపిస్తూ వస్తున్న బాబీ బాలకృష్ణతో చేస్తున్న సినిమాను కూడా వేరే లెవెల్ ప్లానింగ్ లో ఉన్నాడట. భగవంత్ కేసరి లానే బాలయ్య క్యారెక్టరైజేషన్ బాబీ సినిమాలో కూడా డిఫరెంట్ గా ఉండబోతుందని తెలుస్తుంది. ఈ సినిమా కోసం బాలకృష్ణ మేకోవర్ డిఫరెంట్ గా ఉంటుందని తెలుస్తుంది. అందుకు సంబంధించిన లుక్ టెస్ట్ త్వరలో మొదలు పెడతారని టాక్.

బాబీ సినిమా ఇప్పటికే ప్రీ ప్రొడక్షన్ వర్క్ పూర్తి చేసుకోగా త్వరలోనే ఈ సినిమా సెట్స్ మీదకు వెళ్తుందని తెలుస్తుంది. బాలయ్య కెరీర్ లో హైయెస్ట్ బడ్జెట్ గా ఈ సినిమా రాబోతుందని టాక్. ఈమధ్య బాలయ్య ఏం చేసినా సరే బాగా వర్క్ అవుట్ అవుతుంది. సక్సెస్ ఫుల్ సినిమాలతో నందమూరి ఫ్యాన్స్ కి ఫుల్ ఖుషి అందిస్తున్న బాలయ్య రాబోయే సినిమాలతో కూడా పెద్ద ప్లానింగ్ తో ఉన్నారని తెలుస్తుంది.

బాబీ సినిమా పూర్తి కాగానే ఆదిత్య 999 సినిమా కూడా సెట్స్ మీదకు తీసుకు రావాలని చూస్తున్నారు బాలకృష్ణ. ఆదిత్య 999 సినిమాను స్వీయ దర్శకత్వంలో తెరకెక్కించాలని ప్లాన్ చేస్తున్నారు. బాబీ బాలయ్య ఈ సినిమాను సితార ఎంటర్టైన్ మెంట్స్ నిర్మిస్తున్నారు. ఈ సినిమాలో త్రిష హీరోయిన్ గా నటిస్తుందని తెలుస్తుంది. వరుస క్రేజీ సినిమాల ప్లానింగ్ తో బాలయ్య బాబు ఫ్యాన్స్ కి ఫుల్ ఎంటర్టైన్ అందించేందుకు సిద్ధమయ్యాడు. బాబీ తో బాలయ్య సినిమా అనగానే నందమూరి ఫ్యాన్స్ లో కూడా అంచనాలు పెరిగాయి. మరి ఆ అంచనాలకు తగినట్టుగానే సినిమా ఉంటుందా లేదా అన్నది చూడాలి.