బాలయ్య శ్యామ్‌ సింగ రాయ్‌ ఏంటి మ్యాటర్‌...!

నందమూరి బాలకృష్ణ హీరోగా బ్యాక్ టు బ్యాక్ సినిమాలు చేస్తూ బాక్సాఫీస్ వద్ద సందడి చేస్తున్నాడు. వరుసగా మూడు విజయాలను సొంతం చేసుకున్న బాలకృష్ణ ప్రస్తుతం బాబీ దర్శకత్వంలో ఒక సినిమాను చేస్తున్న విషయం తెల్సిందే. ఆ తర్వాత బోయపాటి శ్రీను దర్శకత్వంలో ఒక సినిమాను బాలయ్య చేయాల్సి ఉంది.

బాలకృష్ణ ఇప్పటికే కమిట్‌ అయిన సినిమాలకు తోడు మరో సినిమాను కూడా ఓకే చేశాడు అంటూ సమాచారం అందుతోంది. విశ్వసనీయంగా అందుతున్న సమాచారం ప్రకారం టాక్సీవాలా మరియు శ్యామ్ సింగరాయ్ ఫేం రాహుల్ సంకృత్యాన్ దర్శకత్వంలో బాలకృష్ణ ఒక సినిమాను చేయబోతున్నాడు.

రాహుల్ చేసిన రెండు సినిమాలు కూడా మంచి విజయాలను సొంతం చేసుకున్నాయి. దేనికి అదే అన్నట్టుగా రెండు సినిమాలు విజయాన్ని సొంతం చేసుకోవడంతో మూడో సినిమా తో హ్యాట్రిక్ కొట్టడం ఖాయం అన్నట్లుగా అంతా ఆసక్తిగా ఎదురు చూస్తున్నారు.

పలువురు యంగ్‌ హీరోలతో ఈయన సినిమా ఉండే అవకాశాలు ఉన్నాయి అంటూ ప్రచారం జరిగింది. కానీ చివరకు బాలయ్య వద్దకు వచ్చి రాహుల్‌ తదుపరి సినిమా వార్తలు ఆగి పోయాయి. బాలయ్య బాడీ లాంగ్వేజ్ కు తగ్గ ఒక మంచి పీరియాడిక్ కాన్సెప్ట్‌ ను రాహుల్‌ సిద్ధం చేశాడట.

ఇటీవలే స్టోరీ లైన్ ను వినిపించి ఓకే చెప్పించుకున్న రాహుల్‌ త్వరలోనే పూర్తి స్క్రిప్ట్‌ తో బాలయ్య ముందుకు వెళ్లే అవకాశాలు ఉన్నాయి. వీరి కాంబో సెట్‌ అయితే వచ్చే ఏడాదిలో సినిమా ప్రేక్షకుల ముందుకు వచ్చే అవకాశాలు ఉన్నాయి.