నెపోటిజంపై బాలయ్య అదిరిపోయే కామెంట్
ఈ విషయంపై ఇటీవల సత్యభామ ట్రైలర్ లాంచ్ ఈవెంట్‌లో బాలకృష్ణ మాట్లాడిన తీరు ఒక విధంగా ఆలోచింపజేసింది అని చెప్పవచ్చు.
By: Tupaki Desk | 25 May 2024 1:44 PM GMT
తెలుగు చిత్ర పరిశ్రమలో నెపోటిజం గురించి అప్పుడప్పుడు కొంతమంది స్టార్స్ చేసే కామెంట్స్ హాట్ టాపిక్ గా నిలుస్తూ ఉంటాయి. ఇక చాలా రోజుల తరువాత బాలయ్య నుంచి ఆ మాట రావడం హాట్ టాపిక్ గా మారింది. ఈ విషయంపై ఇటీవల సత్యభామ ట్రైలర్ లాంచ్ ఈవెంట్‌లో బాలకృష్ణ మాట్లాడిన తీరు ఒక విధంగా ఆలోచింపజేసింది అని చెప్పవచ్చు.
ఎందుకంటే నెపోటిజం మీద బాలీవుడ్ లో జరిగినంత చర్చ మన ఇండస్ట్రీలో పెద్దగా జరగదని అన్నారు. ఎందుకంటే అధిక శాతం స్టార్ల కుటుంబాల నుంచి వచ్చిన వాళ్ళు తమను తాము ఋజువు చేసుకోవడం వల్లేనని ఆయన తెలియజేశారు. ఇంకా ఏమన్నారంటే.. తెలుగు సినిమా గొప్పతనం గురించి వివరించారు.
ఆయన మాటల్లో, "వారసత్వం అంటే ఎన్టీఆర్ పేరు చెప్పుకోవడం కాదు, ఆయన బాటలో నడుస్తున్నామా లేదా అన్నది సరిచూసుకోవడం ముఖ్యం" అని అన్నారు. ఈ వ్యాఖ్యలు వారసత్వంలో ఉన్న స్టార్స్ కూడా సొంతంగా కష్టపడాలని ఆయన చెప్పకనే చెప్పారు. సత్యభామ సినిమాలో కాజల్ అగర్వాల్ పోలీస్ ఆఫీసర్‌గా టైటిల్ రోల్ పోషిస్తున్నారు.
ఈ చిత్రం జూన్ 7న విడుదలకు సిద్ధమవుతోంది. పెళ్లి చేసుకుని కొడుకు పుట్టాక కాజల్ సోలోగా చేసిన మొదటి సినిమా కావడం విశేషం. శశికిరణ్ తిక్కా సమర్పణలో, స్క్రీన్ ప్లే అందించగా, సుమన్ చిక్కాల దర్శకత్వం వహించారు. బాలయ్య రాకతో సత్యభామ టీమ్‌లో ఉన్న ఉత్సాహం ఒక్కసారిగా పెరిగిపోయింది. ఆయన ఎన్నికల ప్రచారం కారణంగా కొంతకాలంగా కెమెరాకు దూరంగా ఉండడం వల్ల నటులకు షూటింగ్స్ లేకపోతే ఎంత వెలితిగా ఉంటుందన్న అంశాన్ని గుర్తు చేశారు. బాలయ్య కామెంట్స్ ద్వారా తండ్రి ఎన్టీఆర్ గురించి చెప్పినా, అది ఇండస్ట్రీలోని ప్రతి వారసత్వ నటుడికి వర్తిస్తుంది.
కాజల్ మాట్లాడుతూ, "బాలకృష్ణ దగ్గర ఎమోషన్స్ ఉంటాయి తప్ప క్యాలికులేషన్స్ ఉండవు" అని చెప్పడం ఫ్యాన్స్‌ను ఉత్సాహపరిచింది. దర్శకుడు సుమన్, మూడోసారి ఎమ్మెల్యేగా అసెంబ్లీలో అడుగు పెట్టబోతున్న బాలయ్యకు శుభాకాంక్షలు తెలపడంతో ఆడిటోరియం హోరెత్తిపోయింది. "శ్రీకృష్ణుడికి అండగా సత్యభామ నిలబడినట్టు మా సత్యభామకు బాలకృష్ణ అభిమానం తోడయ్యిందని" చెప్పడం ఈ ఈవెంట్‌కి ప్రత్యేక ఆకర్షణ అయింది.
సత్యభామ సినిమా విడుదలకి ముందే, ఈవెంట్‌ ద్వారా ప్రేక్షకులలో మంచి అంచనాలు ఏర్పడ్డాయి. ఈ మూవీ ప్రమోషన్‌లో బాలయ్య పాత్ర ప్రత్యేక ఆకర్షణగా నిలిచింది. మరి సత్యభామ విడుదల తర్వాత ఎంతటి విజయాన్ని సాధిస్తుందో చూడాలి. ఇక కాజల్ కూడా ఈ సినిమాతో సక్సెస్ అందుకొని ఫామ్ లోకి రావాలని చూస్తోంది.
